Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Salmo 6:1-10

Iti mangiwanwanwan kadagiti pagtokar nga adda kuerdasna iti makimbaba nga oktaba.+ Samiweng ni David. 6  O Jehova, iti ungetmo saannak a tubngaren,+ Ket iti pungtotmo saannak a lintegen.+   Ipaayannak iti parabur, O Jehova, ta aglumlumenakon.+ Paimbagennak,+ O Jehova, ta naburibor dagiti tulangko.   Wen, ti bukodko a kararua naburibor iti kasta unay;+ Ket sika, O Jehova—kasano kabayag?+   Agsublika,+ O Jehova, alawem ti kararuak;+ Isalakannak maipagapu iti naayat a kinamanangngaasim.+   Ta ken patay awan panangdakamat kenka;+ Idiay Sheol siasino ti mangidayawto kenka?+   Napakilak iti panagsennaayko;+ Iti intero nga agpatnag paglangoyek ti sopak;+ Iti luluak paglippiasek ti bukodko nga idda.+   Manipud pannakasemsem kimmapuy ti matak,+ Limmakay gapu kadagidiay amin a mangbusbusor kaniak.+   Umadayokayo kaniak, dakayo amin a managaramid iti makapasakit,+ Ta sigurado a denggento ni Jehova ti timek ti panagsangitko.+   Pudno a denggento ni Jehova ti panagkiddawko iti parabur;+ Ni met laeng Jehova awatennanto ti bukodko a kararag.+ 10  Amin dagiti kabusorko mabainan+ ken mariribukandanto iti kasta unay; Agsanuddanto, mabainandanto a madagdagus.+

Footnotes