Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

Online a Biblia | BARO A LUBONG A PATARUS TI NASANTUAN A KASURATAN

Salmo 59:1-17

Iti mangiwanwanwan. “Dika dadaelen.” Ni David. Miktam. Idi nagbaon ni Saul, ket binambantayanda ti balay, tapno isu papatayenda.+ 59  Ispalennak kadagiti kabusorko, O Diosko;+ Kadagidiay tumakder a bumusor kaniak salaknibannak koma.+   Ispalennak kadagiti managaramid iti makapasakit,+ Ket kadagiti tattao a nakabasol iti dara isalakannak.   Ta, adtoy! pinadaananda ti kararuak;+ Dagidiay napipigsa darupendak,+ Saan a gapu ti iyaalsa iti biangko, wenno uray aniaman a basol iti biangko, O Jehova.+   Nupay awan biddut, agtarayda ket agsaganada. + Bumangonka iti iyaawagko ket kitaem.+   Ket sika, O Jehova a Dios ti buybuyot, ti Dios ti Israel.+ Agriingka tapno iturongmo ti asikasom kadagiti amin a nasion.+ Dika mangipaay iti parabur kadagiti asinoman a makapasakit a traidor.+ Selah.   Agtultuloyda nga agsubli iti oras ti rabii;+ Agtultuloyda nga agtaul a kas iti aso+ ket liklikmutenda ti siudad.+   Adtoy! Agyesngawda babaen iti ngiwatda;+ Kamkampilan ti adda kadagiti bibigda,+ Ta siasino ti umim-imdeng?+   Ngem sika, O Jehova, katawaamto ida;+ Amin dagiti nasion aramidemto a mauy-uyaw.+   O Pigsak, agtultuloyakto nga agbantay maipaay kenka;+ Ta ti Dios ket natalged a kamangko.+ 10  Ti met laeng Dios ti naayat a kinamanangngaasi kaniak sanguennakto;+ Ti met laeng Dios ipaaynanto a mulagatak dagiti kalabanko.+ 11  Dika papatayen ida, tapno saan a manglipat dagiti kailiak.+ Babaen ti kiredmo pagallaallaem ida,+ Ket ipababam ida, O kalasagmi a Jehova,+ 12  Gapu iti basol ti ngiwatda, ti sao dagiti bibigda;+ Ket matiliwda koma iti panagpannakkelda,+ Gapu met laeng iti panangilunod ken panangallilaw nga ensaywenda. 13  Pagpatinggaem ida iti pungtot;+ Pagpatinggaem ida, tapno maawanda; Ket maammuanda koma a ti Dios agturturay ken Jacob agingga kadagiti ungto ti daga.+ Selah. 14  Ket pagsubliem ida iti oras ti rabii; Pagtaulem ida a kas iti aso ket paglikmulikmutem iti siudad.+ 15  Dagidiay a mismo pagallaallaem nga agsapul iti makan;+ Saanda koma a mapnek wenno umyan iti agpatnag.+ 16  Ngem no maipapan kaniak, ikantakto ti pigsam,+ Ket iti bigat sirarag-o nga ibagakto ti maipapan iti naayat a kinamanangngaasim.+ Ta nagbalinka a natalged a kamang maipaay kaniak+ Ken disso a pagkamangan iti aldaw ti pannakaparigatko.+ 17  O Pigsak, kenka mangipaayakto iti samiweng,+ Ta ti Dios ket natalged a kamangko, ti Dios ti naayat a kinamanangngaasi kaniak.+

Footnotes