Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

Online a Biblia | BARO A LUBONG A PATARUS TI NASANTUAN A KASURATAN

Salmo 57:1-11

Iti mangiwanwanwan. “Dika dadaelen.” Ni David. Miktam. Idi isu nagtalaw gapu ken Saul, a napan iti rukib.+ 57  Ipaayannak iti parabur, O Dios, ipaayannak iti parabur,+Ta kenka nagkamang ti kararuak;+Ket iti salinong dagiti payakmo agkamangak agingga a mapalabas dagiti panagrigat.+   Umawagak iti Dios a Kangatuan, iti pudno a Dios a mamagngudo kadakuada maigapu kaniak.+   Agbaonto manipud langit ket isalakannak.+Sigurado a riribukennanto daydiay mangsiksikbab kaniak.+ Selah.Ti Dios ibaonnanto ti naayat a kinamanangngaasina ken ti kinapudnona.+   Ti kararuak adda iti tengnga dagiti leon;+Awan mabalinko no di agidda iti tengnga dagiti manangalun-on, dagiti mismo nga annak ti tattao,A dagiti ngipenda pikpika ken pampana,+Ken ti dilada ket natadem a kampilan.+   O maitan-okka koma iti ngatuen ti langlangit, O Dios;+Ti dayagmo adda koma iti ngatuen ti intero a daga.+   Maysa nga iket ti insaganada maipaay kadagiti addangko;+Ti kararuak napagrukob.+Nangkalida iti sanguanak ti maysa a palab-og;Natnagda iti tengnga dayta.+ Selah.   Ti pusok natibker, O Dios,+Ti pusok natibker.Agkantaakto ken mangipaayak iti samiweng.+   Agriingka, O dayagko;+Agriingka, O pagtokar nga adda kuerdasna; sika met, O arpa.+Riingekto ti bannawag.   Idayawkanto iti tengnga dagiti ili, O Jehova;+Mangipaayakto iti samiweng kenka iti tengnga dagiti nasional a bunggoy.+ 10  Ta ti naayat a kinamanangngaasim dakkel a dumanon iti langlangit,+Ken ti kinapudnom a dumanon kadagiti tangatang.+ 11  Maitan-okka koma iti ngatuen ti langlangit, O Dios;+Ti dayagmo adda koma iti ngatuen ti intero a daga.

Footnotes