Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Salmo 55:1-23

Iti mangiwanwanwan kadagiti pagtokar nga adda kuerdasna. Maskil. Ni David. 55  Umimdengka, O Dios, iti kararagko;+ Ket dika aglemmeng manipud panagkiddawko iti parabur.+   Ipangagnak ken sungbatannak.+ Saanak a makaidna gapu iti pannakaseknanko,+ Ket awan mabalinko no di ti agaburido,   Maigapu iti timek ti kabusor, gapu iti panangpilit daydiay nadangkes.+ Ta itintinnagda kaniak ti makapasakit,+ Ket iti unget ingpenda ti gura maibusor kaniak.+   Ti mismo a pusok agpapaut-ot iti nakaro iti unegko,+ Ket dagiti met laeng aliaw ni patay immapayda kaniak.+   Ti buteng, wen, ti met laeng panagpigerger sumrek kaniak,+ Ket ti panagkuyegyeg abbongannak.   Ket kunkunaek: “O no addaanak koma iti payak kas iti kalapati!+ Tumayabak nga umadayo ket agtaengak.+   Adtoy! Umadayoak nga agtalaw;+ Agdagusak idiay let-ang.+Selah—   Agganatak a mapan iti disso a paglisian maipaay kaniak Manipud iti dumardaruros nga angin, manipud iti nadawel a bagyo.”+   Riribukem, O Jehova, guduaem ti dilada,+ Ta nakakitaak iti kinaranggas ken panagsusupiat iti siudad.+ 10  Aldaw ken rabii mapanda lawlawen dayta iti rabaw dagiti paderna;+ Ket ti makapasakit ken riribuk addada iti unegna.+ 11  Dagiti panagrigat addada iti unegna; Ket manipud iti publiko a plasana saan a pimmanaw ti panangirurumen ken panangallilaw.+ 12  Ta saan a maysa a kabusor ti nangumsi kaniak;+ Ta no saan maanusak koma dayta. Saan a maysa a nakaro a gumurgura kaniak ti nagpasaw maibusor kaniak;+ Ta no saan makalemmengak koma manipud kenkuana.+ 13  No di ket sika, maysa a mortal a tao a kapadak,+ Maysa a nasinged kaniak ken am-ammok,+ 14  Agsipud ta sangsangkamaysa a tagtagiragsakenta idi ti nasam-it a kinasinged;+ Iti balay ti Dios makipagpagnata idi iti sangabunggoyan.+ 15  Dagiti panaglangalang dumteng koma kadakuada!+ Bumabada koma a sibibiag idiay Sheol;+ Ta dakes a bambanag ti adda iti unegda bayat ti panagnaedda kas ganggannaet.+ 16  No maipapan kaniak, agpukkawakto iti Dios;+ Ket ni met laeng Jehova isalakannakto.+ 17  Rabii ken bigat ken agmatuon awan mabalinko no di mangipakita iti pannakaseknan ket umasugak,+ Ket mangngegna ti timekko.+ 18  Sigurado a subbotennanto ken isaadna ti kararuak iti talna manipud iti dangadang a maibusor kaniak,+ Ta iti rineprep naaddada a bumusor kaniak.+ 19  Denggento ken sungbatan ida ti Dios,+ Daydiay met laeng situtugaw a naitrono kas iti napalabas+Selah— Dagidiay nga awanan kadagiti panagbalbaliw+ Ken saan a nagbuteng iti Dios.+ 20  Inyunnatna dagiti imana maibusor kadagidiay sikakappia kenkuana;+ Tinabbaawanna ti tulagna.+ 21  Nalamlamuyot ngem mantekilia ti sasao ti ngiwatna,+ Ngem ti pusona agannayas a makidangadang.+ Ti sasaona naluklukneng ngem lana,+ Ngem siaasutda a kamkampilan.+ 22  Ipalladawmo ti dadagsenmo ken Jehova a mismo,+ Ket isu saranayennakanto.+ Saannanto a pulos ipalubos nga agdiwengdiweng daydiay nalinteg.+ 23  Ngem sika, O Dios, ipababamto ida agingga iti kababaan nga abut.+ No maipapan kadagiti nakabasol iti dara ken manangallilaw a tattao, saandanto nga agbiag iti kagudua ti al-aldawda.+ Ngem no maipapan kaniak, agtalekakto kenka.+

Footnotes