Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Salmo 52:1-9

Iti mangiwanwanwan. Maskil. Ni David, idi a ni Doeg nga Edomita immay ket imbagana ken Saul ket kinunana kenkuana a ni David dimteng iti balay ni Ahimelec.+ 52  Apay a pagpasindayagmo ti dakes, O sika a mannakabalin?+ Ti naayat a kinamanangngaasi ti Dios ket intero nga agmalem.+   Dagiti panagrigat ti ganggandaten ta dilam, napatadem a kas iti labaha,+ Agar-aramid buyogen ti panangallilaw.+   Ad-adda nga inayatmo ti dakes ngem ti naimbag,+ Kinaulbod nga ad-adda ngem ti panagsao iti kinalinteg.+ Selah.   Inayatmo ti amin a mangalun-on a sasao,+ O sika a manangallilaw a dila.+   Ti met laeng Dios rugpuennakanto met iti agnanayon;+ Dalebennakanto ken alat-atennaka iti toldam,+ Ket sigurado a parutennakanto iti daga dagidiay sibibiag.+ Selah.   Ket dagidiay nalinteg makitadanto dayta ket agbutengdanto,+ Ket isu katawaandanto.+   Adtoy ti nabaneg a lalaki a saan a mangikabil iti Dios kas sarikedkedna,+ No di ket agtalek iti kinaruay ti kinabaknangna,+ A sumalinong kadagiti pammarigatna.+   Ngem kaslaakto iti nabaludbod a kayo nga olibo+ iti balay ti Dios; Agtalekak iti naayat a kinamanangngaasi ti Dios agingga iti tiempo a di nakedngan, iti mismo nga agnanayon.+   Idayawkanto agingga iti tiempo a di nakedngan, ta nagtignayka;+ Ket manginanamaakto iti naganmo, agsipud ta naimbag dayta, iti sanguanan dagidiay nasungdom.+

Footnotes