Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

Online a Biblia | BARO A LUBONG A PATARUS TI NASANTUAN A KASURATAN

Salmo 51:1-19

Iti mangiwanwanwan. Samiweng ni David. Idi a ni Natan a mammadto napan kenkuana kalpasan a nakidenna ken Bat-seba.+ 51  Ipaayannak iti parabur, O Dios, maitunos iti naayat a kinamanangngaasim.+Maitunos iti kinaruay dagiti asim punasem dagiti salungasingko.+   Naan-anay a bugguannak iti biddutko,+Ket dalusannak uray pay iti basolko.+   Ta siak ammok dagiti salungasingko,+Ket ti basolko adda a patinayon iti sanguanak.+   Maikaniwas kenka, kenka laeng, nagbasolak,+Ket no ania ti dakes kadagita matam inaramidko,+Tapno iti kasta mapaneknekan a nalintegka no agsaoka,+Tapno awan koma ti pakababalawam no mangukomka.+   Adtoy! Buyogen ti biddut naipasngayak a nabuyogan kadagiti panagpasikal,+Ket iti basol inyinawnak ni inak.+   Adtoy! Nagragsakam ti mismo a kinapudno kadagiti makin-uneg a paset;+Ket iti nalimed a bagi ipakaammom koma kaniak ti bin-ig a sirib.+   Gugorannak koma manipud basol babaen iti hisopo, tapno madalusanak;+Bugguannak koma, tapno mapagbalinak a napudpudaw pay ngem iti niebe.+   Ipangngegmo koma kaniak ti panagragsak ken panagrag-o,+Tapno dagiti tulang a rinumekmo makapagrag-oda.+   Ilingedmo ta rupam manipud basbasolko,+Ket punasem uray dagiti amin a biddutko.+ 10  Parsuaem kaniak ti mismo a puso a nasin-aw, O Dios,+Ket ikabilmo iti unegko ti maysa a baro nga espiritu, daydiay natibker.+ 11  Saannak nga ibelleng manipud iti sanguanam;+Ket ti nasantuan nga espiritum O saanmo nga ikkaten kaniak.+ 12  Isublim kaniak ti panagragsak iti panangisalakanmo,+Ket saranayennak koma babaen a mismo iti sitatallugod nga espiritu.+ 13  Ti daldalanmo isurokto kadagiti managsalungasing,+Tapno dagiti met laeng managbasol agsublida koma kenka a mismo.+ 14  Ispalennak iti kinamanagbasol iti dara,+ O Dios a Dios ti pannakaisalakanko,+Tapno ti dilak sirarag-o nga ibagana koma ti maipapan iti kinalintegmo.+ 15  O Jehova, luktam koma dagitoy bibigko,+Tapno ti bukodko a ngiwat isaritana koma ti pannakaidaydayawmo.+ 16  Ta saanka a maragsakan iti sakripisio—ta no saan a kasta itedko koma dayta;+Iti sibubukel a daton a mapuoran saanka a maragsakan.+ 17  Dagiti sakripisio iti Dios ket maysa a naupay nga espiritu;+Ti puso a nadunor ken naidagel, O Dios, saanmonto nga umsien.+ 18  Iti naimbag a nakemmo pakilangenam a sisasayaat ti Sion;+Bangonem koma dagiti pader ti Jerusalem.+ 19  Iti kasta maragsakankanto kadagiti sakripisio ti kinalinteg,+Iti mapuoran a sakripisio ken sibubukel a daton;+Iti kasta dagiti toro maidatonto iti mismo a bukodmo nga altar.+

Footnotes