Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Salmo 50:1-23

Samiweng ni Asaf.+ 50  Daydiay Nadibinuan,+ ti Dios, ni Jehova,+ nagsao a mismo,+ Ket awaganna ti daga,+ Manipud iti ileleggak ti init agingga iti ilelennekna.+   Manipud Sion, ti kinanaan-anay ti kinalibnos,+ ti met laeng Dios nagsilnag.+   Ti Diostayo umayto ket saan a mabalin nga agtalinaed a siuulimek.+ Iti sanguananna adda mangalun-on nga apuy,+ Ket iti intero nga aglikmutna nagbalin a nabagyo unay ti paniempona.+   Isu umawag iti langlangit sadi ngato ken iti daga+ Tapno ipakatna ti panangukom iti ilina:+   “Ummongem kaniak dagidiay nasungdok,+ Dagidiay mamatpatalged iti tulagko maigapu iti sakripisio.”+   Ket ti langlangit ibagada ti kinalintegna,+ Ta ti met laeng Dios isu ti Ukom.+ Selah.   “Agimdengka, O ilik, ket agsaoakto,+ O Israel, ket mangsaksiakto maibusor kenka.+ Siak ti Dios, ti Diosmo.+   Saan a maipapan kadagiti sakripisiom a tubngarenka,+ Wenno uray maipapan kadagiti sibubukel a datonmo a mapuoran nga adda a patinayon iti sanguanak.+   Saanakto a mangala manipud balaymo iti maysa a toro,+ Manipud kadagiti kulongam saanak a mangala kadagiti kalakian a kalding. 10  Ta kukuak ti tunggal atap nga animal ti bakir,+ Dagiti animal iti rabaw ti sangaribu a bantay.+ 11  Pagaammok unay ti tunggal nagpayak a parsua iti bambantay,+ Ket dagiti bunggoy ti an-animal iti nawayang a tay-ak addada kaniak.+ 12  No koma mabisinak, saanko a sawen kenka; Ta kukuak ti nabunga a daga+ ken ti pakabuklanna.+ 13  Kanekto aya ti lasag dagiti nabileg a toro,+ Ket ti dara dagiti kalakian a kalding inumekto aya?+ 14  Mangidatonka iti panagyaman kas sakripisiom iti Dios,+ Ket dagiti karim tungpalem iti Kangatuan;+ 15  Ket awagannak iti aldaw ti riribuk.+ Alawenkanto, ket idayawnakto.”+ 16  Ngem iti daydiay nadangkes kasapulanto a kunaen ti Dios:+ “Ania ti kalintegam tapno ibinsabinsam dagiti alagadek,+ Ken tapno awitem koma ti tulagko ita ngiwatmo?+ 17  Ay ket, sika—ginuram ti disiplina,+ Ket ipurpuruakmo ti sasaok iti likudam.+ 18  Kaanoman a makakitaka idi iti mannanakaw, naay-ayoka pay kenkuana;+ Ket ti pannakiramanmo adda kadagiti mannakikamalala.+ 19  Ti ngiwatmo binulosam iti dakes,+ Ket ti dilam pagtalinaedem a naisinggalut iti panangallilaw.+ 20  Agtugaw ken agsaoka maibusor iti bukodmo a kabsat,+ Maibusor iti anak ni inam mangipadlawka iti biddut.+ 21  Dagitoy a banag inaramidmo, ket nagtalinaedak a siuulimek.+ Impagarupmo a di bumurong nga agbalinak a kas kenka.+ Tubngarenka,+ ket urnosekto ti bambanag iti imatangmo.+ 22  Tarusanyo daytoy, pangngaasiyo, dakayo a mananglipat iti Dios,+ Tapno saankayo koma a rangrangkayen nga awanan iti asinoman a manangispal.+ 23  Daydiay mangidatdaton iti panagyaman kas sakripisiona isu ti mangidayaw kaniak;+ Ket no maipapan iti daydiay mangsalsalimetmet iti naipasdek a dalan, Ipakitakto kenkuana ti panangisalakan ti Dios.”+

Footnotes