Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Salmo 5:1-12

Iti mangiwanwanwan iti Nehilot. Samiweng ni David. 5  Kadagiti sasaok umimdengka,+ O Jehova; Tarusam ti panagsennaayko.   Ipangagmo ti timek ti panagpatulongko,+ O Arik+ ken Diosko, agsipud ta kenka agkararagak.+   O Jehova, iti bigat mangngegmonto ti timekko;+ Iti bigat agsaoakto kenka ket agsiputak.+   Ta saanka a maysa a Dios a maragsakan iti kinadangkes;+ Awan dakes a makipagtaeng kenka iti aniaman a tiempo.+   Awan dagiti managpasindayag a makapagtakder iti sanguanan dagita matam.+ Guraem amin dagidiay agar-aramid iti makapasakit;+   Dadaelemto dagidiay agsasao iti kinaulbod.+ Ti tao ti panagibukbok iti dara+ ken panangallilaw+ karimon ni Jehova.   No maipapan kaniak, iti kinaruay ti naayat a kinamanangngaasim+ Sumrekakto iti balaymo,+ Agruknoyakto a sumango iti nasantuan a templom iti panagbuteng kenka.+   O Jehova, idalannak iti kinalintegmo+ gapu kadagiti kalabanko;+ Palanasem ti dalanmo iti sanguanak.+   Ta iti ngiwatda awan ti mapagpiaran;+ Ti makin-uneg a pasetda pudno a panagrigat.+ Ti karabukobda ket naluktan a lugar a pagitabonan;+ Nalamuyot a dila ti aramatenda.+ 10  Ti Dios sigurado nga ibilangnanto ida a nakabasol;+ Mapasagdanto gapu kadagiti bukodda a pammatigmaan.+ Iti kinaadu dagiti salungasingda adda koma panangwarawara kadakuada,+ Agsipud ta nagrebeldeda a maibusor kenka.+ 11  Ngem amin dagidiay agkamang kenka agrag-odanto;+ Agingga iti tiempo a di nakedngan agdir-idanto a sirarag-o.+ Ket bangenamto ti iyaasideg kadakuada, Ket dagidiay agayat iti naganmo agragsakdanto kenka.+ 12  Ta sika bendisionamto ti asinoman a nalinteg,+ O Jehova; Kas iti maysa a dakkel a kalasag,+ palikmutamto ida iti anamong.+

Footnotes