Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

Online a Biblia | BARO A LUBONG A PATARUS TI NASANTUAN A KASURATAN

Salmo 48:1-14

Kanta. Samiweng ti annak ni Kore.+ 48  Ni Jehova naindaklan ken maidaydayaw iti kasta unay+Iti siudad ti Diostayo,+ iti nasantuan a bantayna.+   Nalibnos iti kinangato, ti rag-o ti intero a daga,+Isu ti Bantay Sion kadagiti adayo a deppaar ti amianan,+Ti ili ti Naindaklan nga Ari.+   Kadagiti pagnaedan a torrena ti met laeng Dios naammuan kas natalged a kamang.+   Ta, adtoy! ti ar-ari nagsasarakda babaen ti tulagan,+Naglabasda a sangsangkamaysa.+   Nakitada a mismo; ket ngarud nagsiddaawda.Nariribukda, napagtatarayda a silalagaw.+   Ti met laeng panagpigerger pinetpetanna ida sadiay,+Dagiti ut-ot iti panaganak a kas kadagiti ut-ot ti maysa a babai nga agpaspasngay.+   Babaen ti wayaway nga angin rebbaem dagiti barko ti Tarsis.+   Kas iti nangngegmi, kasta ti nakitami+Iti siudad ni Jehova ti buybuyot, iti siudad ti Diostayo.+Ti met laeng Dios ipasdeknanto a sititibker dayta agingga iti tiempo a di nakedngan.+ Selah.   Inutobmi, O Dios, ti naayat a kinamanangngaasim+Iti tengnga ti templom.+ 10  Kas iti naganmo,+ O Dios, kasta ti pannakaidaydayawmoAgingga kadagiti ketegan ti daga.Ta makannawan nga imam napno iti mismo a kinalinteg.+ 11  Agragsak koma ti Bantay Sion,+Agrag-o koma ti agpampannuray nga il-ili ti Juda,+ maigapu kadagiti hudisial a pangngeddengmo.+ 12  Agmartsakayo a manglikmut iti Sion, ket likmutenyo dayta,+Bilangenyo dagiti torrena.+ 13  Isaadyo ti puspusoyo kadagiti baluartena.+Sukimatenyo dagiti pagnaedan a torrena,Tapno iti kasta maibinsabinsayo dayta iti masanguanan a kaputotan.+ 14  Ta daytoy a Dios isu ti Diostayo agingga iti tiempo a di nakedngan, iti mismo nga agnanayon.+Isu ibagnosnatayto agingga a mataytayo.+

Footnotes