Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

Online a Biblia | BARO A LUBONG A PATARUS TI NASANTUAN A KASURATAN

Salmo 47:1-9

Iti mangiwanwanwan. Ti annak ni Kore. Samiweng. 47  Dakayo amin nga ili, pagtipatenyo ti im-imayo.+ Agdir-ikayo a sibaballigi iti Dios buyogen ti timek ti narag-o nga ikkis.+   Ta nakaam-amak ni Jehova, ti Kangatuan,+ Maysa a naindaklan nga Ari iti intero a daga.+   Mangparukmanto kadagiti ili iti babatayo+ Ken kadagiti nasional a bunggoy iti sirok dagiti sakatayo.+   Ipiliannatayto iti tawidtayo,+ Ti pagpannakkel ni Jacob, nga inayatna.+ Selah.   Ti Dios nagpangato buyogen ti narag-o a panagdir-i,+ Ni Jehova buyogen ti uni ti tangguyob.+   Mangipaaykayo iti samiweng iti Dios, mangipaaykayo iti samiweng.+ Mangipaaykayo iti samiweng iti Aritayo, mangipaaykayo iti samiweng.   Ta ti Dios ket Ari ti intero a daga;+ Mangipaaykayo iti samiweng, nga agtignaykayo buyogen ti kinamasirib.+   Ti Dios nagbalinen nga ari kadagiti nasion.+ Ti met laeng Dios nagtugawen iti nasantuan a tronona.+   Dagiti natan-ok kadagiti ili nakipaguummongda a sangsangkamaysa,+ Iti ili ti Dios ni Abraham.+ Ta dagiti kalasag ti daga kukua ti Dios.+ Isu nangato unay iti pannakaitan-okna.+

Footnotes