Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Salmo 45:1-17

Iti mangiwanwanwan Kadagiti Lirio. Ti annak ni Kore. Maskil. Kanta dagiti dungdungnguen a babbai. 45  Ti pusok natignay iti maysa a nakasaysayaat a banag.+ Kunkunaek: “Ti ar-aramidko maipanggepda iti maysa nga ari.”+ Ti dilak pagyurit+ koma ti maysa a nalaing a managkopia.+   Pudno a natataerka ngem ti annak ti tattao.+ Ti kayaw naiparukpok kadagiti bibigmo.+ Dayta ti makagapu a ti Dios binendisionannaka agingga iti tiempo a di nakedngan.+   Ibarikesmo ti kampilanmo+ iti luppom, O mannakabalin,+ Buyogen ti dayawmo ken kinangayedmo.+   Ket iti kinangayedmo agtultuloyka iti panagballigi;+ Agsakayka maipuon ti kinapudno ken kinapakumbaba ken kinalinteg,+ Ket ta makannawan nga imam isuronakanto iti nakaam-amak a bambanag.+   Natirad dagiti panam—iti babaem mapaspasag dagiti ili+ Iti puso dagiti kabusor ti ari.+   Ti Dios isu ti tronom agingga iti tiempo a di nakedngan, iti mismo nga agnanayon;+ Ti setro ti kinaarim maysa a setro ti kinapalungdo.+   Inayatmo ti kinalinteg+ ket guraem ti kinadangkes.+ Dayta ti makagapu a ti Dios, ti Diosmo,+ pinulotannaka+ iti lana ti panagrag-o+ a nangnangruna ngem kadagiti kakaduam.+   Amin dagiti kawesmo ket mirra ken kayo nga aloe ken kasia;+ Manipud iti naindaklan a marfil+ a palasio pinagragsakdaka dagiti met laeng pagtokar nga adda kuerdasna.   Ti annak a babbai+ ti ar-ari addada iti tengnga dagiti napateg a babbaim. Ti asawa a reyna+ nagtakder iti makannawanmo a siaaruat iti balitok ti Ofir.+ 10  Imdengam, O anak a babai, ken kitaem, ket iyallingagmo ta lapayagmo; Ket lipatem ti ilim ken ti balay ni amam.+ 11  Ket ti ari iliwennanto ti kinalibnosmo,+ Ta isu ti apom,+ Gapuna agruknoyka kenkuana.+ 12  Ti anak a babai ti Tiro addaan met iti sagut+ Dagidiay nabaknang kadagiti umili paluknengendanto ti bukodmo a rupa.+ 13  Ti anak a babai ti ari ket naan-anay a nadayag iti uneg ti balay;+ Ti pagan-anayna addaan kadagiti pagitampokan a balitok. 14  Iti inabel a pagan-anay isu maiyegto iti ari.+ Dagiti birhen iti paraipusna kas kakaduana maiserserrekda a mapan kenka.+ 15  Maiyegdanto a buyogen ti panagragsak ken kinarag-o; Sumrekdanto iti palasio ti ari. 16  Kas mangsandi kadagidi ammam+ addanto ti annakmo,+ A dutokamto kas piprinsipe iti intero a daga.+ 17  Dakamatekto ti naganmo kadagiti amin a kaputotan nga umay.+ Dayta ti makagapu a ti met laeng il-ili idayawdakanto agingga iti tiempo a di nakedngan, iti mismo nga agnanayon.

Footnotes