Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Salmo 42:1-11

Iti mangiwanwanwan. Maskil iti annak ni Kore.+ 42  Kas ti kabaian nga ugsa nga il-iliwenna dagiti waig ti danum, Kasta ti panangiliw kenka ti mismo a kararuak, O Dios.+   Ti kararuak pudno a mawaw iti Dios,+ iti Dios a sibibiag.+ Kaanoakto nga umay ken agparang iti sanguanan ti Dios?+   Ti luluak nagbalin kaniak a taraon iti aldaw ken rabii,+ Bayat a kunaenda kaniak iti intero nga agmalem: “Sadino ti ayan ti Diosmo?”+   Dagitoy a banag lagipekto, ket ibuyatkonto ti kararuak iti unegko.+ Ta makipaglaslasatak idi iti sangabunggoyan, Magmagnaak idi a siiinayad iti sanguananda nga agturong iti balay ti Dios,+ Buyogen ti timek ti maysa a narag-o nga ikkis ken panagyaman,+ Ti maysa a bunggoy a mangramrambak iti piesta.+   Apay a maup-upayka, O kararuak,+ Ket apay a naariwawaka iti unegko?+ Urayem ti Dios,+ Ta isu idayawkonto pay kas ti naindaklan a pakaisalakanan ti kinataok.+   O Diosko, iti unegko maup-upay ti mismo a kararuak.+ Dayta ti makagapu a nalagipka,+ Manipud iti daga ti Jordan ken kadagiti pantok ti Hermon,+ Manipud iti bassit a bantay.+   Ti nadanum a yuyeng umaw-awag iti nadanum a yuyeng Iti uni dagiti pussuakmo (ti danum). Amin dagiti dadakkel nga allonmo ken dagiti dalluyonmo+ Iti ngatuek naglasatda.+   Iti aldaw bilinento ni Jehova ti naayat a kinamanangngaasina,+ Ket iti rabii addanto kaniak ti kantana;+ Addanto kararag iti Dios ti biagko.+   Kunaekto iti Dios a napasdok a batok:+ “Apay a linipatnak?+ Apay a magnaak a naliday gapu iti panangirurumen ti kabusor?”+ 10  Buyogen ti pammapatay maibusor kadagiti tulangko inumsidak dagidiay mangbusbusor kaniak,+ Bayat a kunaenda kaniak iti intero nga agmalem: “Sadino ti ayan ti Diosmo?”+ 11  Apay a maup-upayka, O kararuak,+ Ket apay a naariwawaka iti unegko?+ Urayem ti Dios,+ Ta isu idayawkonto pay kas ti naindaklan a pakaisalakanan ti kinataok ken kas ti Diosko.+

Footnotes