Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Salmo 41:1-13

Iti mangiwanwanwan. Samiweng ni David. 41  Naragsak ti asinoman nga agtigtignay a buyogen ti konsiderasion iti daydiay nanumo;+ Iti aldaw ti didigra isu ilisinto ni Jehova.+   Isu saluadanto ni Jehova a mismo ket taginayonennanto a sibibiag.+ Isu maikunanto a naragsak iti daga;+ Ket isu saanmo a mabalin nga iyawat iti kararua dagiti kabusorna.+   Isu saranayento ni Jehova a mismo iti idda ti panagsakit;+ Isuamin a pagiddaanna pudno unay a baliwamto bayat ti panagsakitna.+   No maipapan kaniak, kinunak: “O Jehova, ipaayannak iti parabur.+ Paimbagem ti kararuak, ta nagbasolak a maikaniwas kenka.”+   No maipapan kadagiti kabusorko, sawenda ti dakes maipapan kaniak:+ “Kaanonto a matay ken pudno a mapukaw ti naganna?”   Ket no ti maysa umay tapno kitaennak, saan a kinapudno ti sawento ti pusona;+ Agurnongto maipaay iti bagina iti banag a makapasakit; Isu rummuarto; iti ruar sawennanto ti maipapan iti dayta.+   Nagkaykaysa a maibusor kaniak agiinnarasaas amin dagidiay manggurgura kaniak;+ Maibusor kaniak ganggandatenda ti banag a dakes maipaay kaniak:+   “Maysa nga awan kaes-eskanna a banag ti maiparukpok kenkuana;+ Ita ta isu nagiddan, saanto a bumangon manen.”+   Kasta met ti tao a sikakappia kaniak, a kenkuana nagtalekak,+ A nangan iti tinapayko,+ inngatona ti mukodna a maibusor kaniak.+ 10  No maipapan kenka, O Jehova, ipaayannak iti parabur ket patakderennak,+ Tapno masupapakak ida.+ 11  Babaen iti daytoy ammok a naragsakanka kaniak, Agsipud ta ti kabusorko saan nga agdir-i a sibaballigi kaniak.+ 12  No maipapan kaniak, gapu iti kinatarnawko intandudonak,+ Ket ikabilnakto iti sanguanam agingga iti tiempo a di nakedngan.+ 13  Bendito koma ni Jehova a Dios ti Israel+ Manipud tiempo a di nakedngan uray pay agingga iti tiempo a di nakedngan.+ Amen ken Amen.+

Footnotes