Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Salmo 4:1-8

Iti mangiwanwanwan kadagiti pagtokar nga adda kuerdasna.+ Samiweng ni David. 4  No umawagak, sungbatannak, O nalinteg a Diosko.+ Iti rigat iyaramidannakto iti akaba a paglugaran. Ipaayannak iti parabur+ ket denggem ti kararagko.   Dakayo nga annak ti tattao, kasano kabayagto ti pannakainsulto ti dayagko,+ Idinto ta itultuloyyo nga ayaten ti ubbaw a bambanag, Idinto ta ikagkagumaanyo ti mangsarak iti kinaulbod? Selah.   Gapuna ammuenyo a ni Jehova sigurado nga ilasinnanto daydiay nasungdona;+ Ni met laeng Jehova dumngegto inton umawagak kenkuana.+   Aglagawkayo, ngem dikay agbasol.+ Agsaokayo iti pusoyo, iti rabaw ti pagiddaanyo,+ ket agulimekkayo. Selah.   Isakripisioyo dagiti sakripisio ti kinalinteg,+ Ket agtalekkayo ken Jehova.+   Adu ti agkunkuna: “Siasino ti mangipakitanto kadatayo iti naimbag?” Pagsilnagem kadakami ti lawag ti rupam,+ O Jehova.   Sigurado a mangipaaykanto iti panagrag-o iti pusok+ Dakdakkel ngem iti daydi tiempo nga immadu ti bukbukelda ken ti baro nga arakda.+   Agpadpadanto nga agiddaak ken maturogak a sitatalna,+ Ta sika laeng, O Jehova, pagnaedennak iti kinatalged.+

Footnotes