Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Salmo 39:1-13

Iti mangiwanwanwan ti Jedutun.+ Samiweng ni David. 39  Kinunak: “Saluadakto ti daldalanko+ Tapno maliklikak ti agbasol babaen iti dilak.+ Mangisaadakto iti busal kas agaywan iti bukodko a ngiwat,+ Bayat nga adda iti sanguanak ti asinoman a nadangkes.”+   Napaumelak a siuulimek;+ Nagulimekak maipapan iti naimbag,+ Ket ti pannakapasakitko nailaksid.   Ti pusok bimmara iti unegko;+ Bayat ti panagsennaayko nagtultuloy a simged ti apuy. Insaok babaen iti dilak:   “Ipakaammom kaniak, O Jehova, ti panungpalak,+ Ken ti rukod dagiti aldawko—no ania dayta,+ Tapno maammuak no kasano ti kinaapagbiitko.+   Adtoy! Inaramidmo dagiti aldawko a sumagmamano laeng;+ Ket ti kapaut ti biagko kasla awan iti sanguanam.+ Sigurado a ti tunggal naindagaan a tao, nupay agtaktakder a sititibker, awan kapapay-anna no di maysa a sang-aw.+ Selah.   Sigurado a kasla anniniwan agpagnapagna ti tao.+ Sigurado a naariwawada iti kinaubbaw.+ Ti maysa mangigabsuon iti bambanag ket saanna nga ammo no siasinonto ti mangummong kadakuada.+   Ket ita maipaay iti ania a nanginanamaak, O Jehova? Ti inanamak maiturong kenka.+   Iti amin a salungasingko ispalennak.+ Saannak nga isaad kas umsi daydiay nakuneng.+   Nagumelak;+ saanko a mainganga ti ngiwatko,+ Ta sika nagtignayka.+ 10  Ikkatem kaniak ti saplitmo.+ Gapu iti panangbusor ta imam siak dimtengak iti panagngudo.+ 11  Babaen kadagiti pannubngar maibusor iti biddut linintegmo ti tao,+ Ket ibusem ti matarigagayan a bambanagna kas ti panangibus ti maysa a sanga.+ Sigurado a ti tunggal naindagaan a tao maysa a sang-aw.+ Selah. 12  Denggem ti kararagko, O Jehova, Ket iti panagpatulongko umimdengka.+ Iti luluak dika agulimek.+ Ta maysaak laeng kenka a ganggannaet nga agnanaed,+ Maysa a makipaggigian a kas met laeng kadagidi amin nga ammak.+ 13  Iyadayom kaniak ti panagkitam, tapno mapagraniagak+ Sakbay a pumanawak ken maawanak.”+

Footnotes