Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

Online a Biblia | BARO A LUBONG A PATARUS TI NASANTUAN A KASURATAN

Salmo 36:1-12

Iti mangiwanwanwan. Ti adipen ni Jehova, ni David. 36  Ti sao ti salungasing iti daydiay nadangkes adda iti kaunggan ti pusona;+Awan ti panagalinggaget iti Dios iti sanguanan dagiti matana.+   Ta inal-aliogna unay ti bagina iti bukodna a matmata+Tapno masukalanna ti biddutna iti kasta guraenna dayta.+   Ti sasao ti ngiwatna panangpasakit ken panangallilaw;+Isu simmardeng a maaddaan iti pannakatarus iti panagaramid iti naimbag.+   Ti panangpasakit isu ti ganggandatenna iti pagiddaanna.+Isaadna ti bagina iti dalan a saan a nasayaat.+Ti dakes saanna a laksiden.+   O Jehova, ti naayat a kinamanangngaasim adda iti langlangit;+Ti kinamatalekmo ket agingga iti ul-ulep.+   Ti kinalintegmo ket kas iti bambantay ti Dios;+Ti hudisial a pangngeddengmo maysa a nakalawlawa a nadanum a yuyeng.+Ti tao ken animal isalakanmo, O Jehova.+   Anian a nagpateg ti naayat a kinamanangngaasim, O Dios!+Ket iti salinong dagiti payakmo agkamang ti mismo nga annak ti tattao.+   Uminumda nga agpennek iti kinalukmeg ti balaymo;+Ket iti napegges nga ayus dagiti ragsakmo painumem ida.+   Ta adda kenka ti ubbog ti biag;+Babaen iti lawagmo makitami ti lawag.+ 10  Itultuloymo ti naayat a kinamanangngaasim kadagidiay makaam-ammo kenka,+Ken ti kinalintegmo kadagidiay napalungdo iti puso.+ 11  O saan koma nga umay a bumusor kaniak ti saka ti kinatangsit;+No maipapan iti ima dagiti nadangkes a tattao, saannak koma a pagbalinen a managallaalla.+ 12  Sadiay napasag dagiti managaramid iti panangpasakit;+Naimamegda ket saanda a kabaelan ti bumangon.+

Footnotes