Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Salmo 34:1-22

Ni David, iti tiempo ti panangilimlimona ti kinasimbengna+ iti sanguanan ni Abimelec, iti kasta pinagtalawna, ket pimmanaw. א [ʼA′lef] 34  Bendituekto ni Jehova iti amin a tiempo;+ Patinayon a ti pakaidaydayawanna addanto iti ngiwatko.+ ב [Beth]   Gapu ken Jehova agpasindayagto ti kararuak;+ Dagidiay naemma mangngegdanto ket agrag-odanto.+ ג [Gi′mel]   O itan-okyo ni Jehova a maibuyog kaniak,+ Ket itandudotayo a sangsangkamaysa ti naganna.+ ד [Da′leth]   Nagimtuodak ken Jehova, ket sinungbatannak,+ Ket kadagiti amin nga aliawko inispalnak.+ ה [Heʼ]   Kimmitada kenkuana ket nagraniagda,+ Ket dagiti mismo a rupada saan a mabalin a mabainan.+ ז [Za′yin]   Daytoy a naparigatan immawag, ket nangngeg ni Jehova a mismo.+ Ket kadagiti amin a rigatna isu insalakanna.+ ח [Cheth]   Ti anghel ni Jehova agpakpakarso iti intero nga aglikmut dagidiay agbuteng kenkuana,+ Ket alawenna ida.+ ט [Teth]   O nanamenyo ken kitaenyo a ni Jehova naimbag;+ Naragsak ti nabaneg a lalaki nga agkamang kenkuana.+ י [Yodh]   Agbutengkayo ken Jehova, dakayo a sasantona,+ Ta awan ti pagkurangan kadagidiay agbuteng kenkuana.+ כ [Kaf] 10  Dagiti burboran a bumaro a leon sangkabassit laengen ti adda kadakuada ket nagbisinda;+ Ngem no maipapan kadagidiay mangsapul ken Jehova, saandanto nga agkurang iti aniaman a naimbag.+ ל [La′medh] 11  Umaykayo, dakayo nga annak, umimdengkayo kaniak;+ Ti panagbuteng ken Jehova isunto ti isurok kadakayo.+ מ [Mem] 12  Siasino ti tao a maragragsakan iti biag,+ A mangay-ayat iti umdas nga al-aldaw tapno kitaenna ti naimbag?+ נ [Nun] 13  Saluadam ta dilam maibusor iti dakes,+ Ken dagiti bibigmo maibusor iti panagsao iti allilaw.+ ס [Sa′mekh] 14  Umadayoka iti dakes, ket aramidem ti naimbag;+ Ikagumaam a saraken ti talna, ket surotem dayta.+ ע [ʽA′yin] 15  Dagiti mata ni Jehova situturongda kadagidiay nalinteg,+ Ket dagiti lapayagna situturongda iti panagpatulongda.+ פ [Peʼ] 16  Ti rupa ni Jehova bumusor kadagidiay agar-aramid iti dakes,+ Tapno gessatenna ti pannakadakamat kadakuada manipud iti mismo a daga.+ צ [Tsa·dhe′] 17  Imkisda, ket nangngeg ni Jehova a mismo,+ Ket kadagiti amin a rigatda inispalna ida.+ ק [Qof]  18  Ni Jehova asideg kadagidiay nadunor ti pusoda;+ Ket dagidiay a naidagel iti espiritu isalakanna.+ ר [Resh] 19  Adu ti didigra daydiay nalinteg,+ Ngem manipud kadakuada amin isu ispalen ni Jehova.+ ש [Shin] 20  Saluadanna dagiti amin a tulang dayta; Awan maysa kadakuada ti natukkol.+ ת [Taw] 21  Ti didigra papatayennanto daydiay nadangkes a mismo;+ Ket dagidiay met laeng manggurgura iti daydiay nalinteg maibilangdanto a nakabasol.+  22  Ni Jehova subbotenna ti kararua dagiti adipenna;+ Ket awan kadagidiay agkamang kenkuana ti maibilangto a nakabasol.+

Footnotes