Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

Online a Biblia | BARO A LUBONG A PATARUS TI NASANTUAN A KASURATAN

Salmo 31:1-24

Iti mangiwanwanwan. Samiweng ni David. 31  Kenka, O Jehova, nagkamangak.+O saanak koma a pulos mabainan.+Gapu iti kinalintegmo ilisinak.+   Iyallingagmo kaniak ti lapayagmo.+Ispalennak a sipapardas.+Agbalinka a maysa a bimmato a salindeg maipaay kaniak,+Maysa a balay dagiti salindeg a mangisalakan kaniak.+   Ta sika ti napasdok a batok ken salindegko;+Ket maipagapu iti naganmo+ iturongnakto ken idalannak.+   Iruarnakto iti iket nga inlemmengda maipaay kaniak,+Ta sika ti sarikedkedko.+   Ita imam italekko ti espirituk.+Sinubbotnak,+ O Jehova a Dios ti kinapudno.+   Guraek dagidiay mangipapaay ti panagraem kadagiti awanan pateg, ubbaw nga idolo;+Ngem no maipapan kaniak, agtalekak ken Jehova.+   Agrag-oakto ken agragsakak iti naayat a kinamanangngaasim,+Ta nakitam ti pannakaparigatko;+Naammuam ti maipapan kadagiti tuok ti kararuak,+   Ket saannak nga insuko iti ima ti kabusor.+Pinatakdermo dagiti sakak iti maysa a nalawa a lugar.+   Ipaayannak iti parabur, O Jehova, ta agpaspasarak kadagiti nakaro a pakarigatan.+Iti panagluksaw kimmapuy ti matak,+ ti kararuak ken ti tianko.+ 10  Ta buyogen iti ladingit nagngudon ti biagko,+Ken dagiti tawenko iti panagsennaay.+Gapu iti biddutko nagtibkol ti bilegko,+Ket kimmapuy dagiti mismo a tulangko.+ 11  Iti panangmatmat dagidiay amin a mangbusbusor kaniak+ nagbalinak nga umsi,+Ket nakarkaro pay iti panangmatmat dagiti kaarrubak,+Ken maysa nga alinggaget kadagiti am-ammok.+Idi makitadak iti ruar, tinalawandak.+ 12  Kas maysa a natay ken awan iti puso, nalipatanakon;+Nagbalinak a kas iti nadadael a basehas;+ 13  Ta nangngegko ti dakes a padamag dagiti adu,+A ti aliaw adda iti amin a sikigan.+No aguurnongda nga agmaymaysa maibusor kaniak,+Aggandatda tapno ikkatenda ti kararuak.+ 14  Ngem siak—inkabilko kenka ti panagtalekko, O Jehova.+Kinunak: “Sika ti Diosko.”+ 15  Dagiti tiempok addada ita imam.+Ispalennak iti ima dagiti kabusorko ken kadagidiay mangkamkamat kaniak.+ 16  Pagsilnagem ta rupam iti adipenmo.+Isalakannak iti naayat a kinamanangngaasim.+ 17  O Jehova, saanak koma a maibabain, ta immawagak kenka.+Maibabain koma dagidiay nadangkes;+Agulimekda koma idiay Sheol.+ 18  Mapaumel koma dagiti ulbod a bibig,+Nga agsasao maibusor iti daydiay nalinteg,+ awanan panagmedmed iti kinatangsit ken panangumsi.+ 19  Anian a kinaruay ti kinaimbagmo,+ nga indulinmo maipaay kadagidiay agbuteng kenka!+Dayta nga inaramidmo kadagidiay agkamang kenka,Iti sanguanan ti annak ti tattao.+ 20  Italimengmonto ida iti nalimed a lugar iti sangom+Manipud iti panagbubunggoy dagiti tattao.+Ilemmengmonto ida iti abong-abongmo manipud iti panagririri dagiti dila.+ 21  Bendito koma ni Jehova,+Ta nangipaay iti nakaskasdaaw a naayat a kinamanangngaasi+ kaniak iti maysa a siudad nga adda iti pakarigatan.+ 22  No maipapan kaniak, kinunak idi naglagawak:+“Pudno unay a matalipuposakto manipud sanguanan dagita matam.”+Sigurado a nangngegmo ti timek dagiti panagpakaasik idi nagpatulongak kenka.+ 23  O ayatenyo ni Jehova, dakayo amin a nasungdona.+Dagidiay matalek saluadan ni Jehova,+Ngem ti asinoman a mangipakpakita iti kinatangsit+ supapakanna iti aglablabes. 24  Bumilegkayo, ket pumigsa koma ti pusoyo,+Dakayo amin nga agur-uray ken Jehova.+

Footnotes