Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

Online a Biblia | BARO A LUBONG A PATARUS TI NASANTUAN A KASURATAN

Salmo 30:1-12

Samiweng. Kanta ti inagurasion ti balay.+ Ni David. 30  Itan-okkanto, O Jehova, ta impangatonak+Ket saanmo nga impalubos nga agrag-o kaniak dagiti kabusorko.+   O Jehova a Diosko, nagpatulongak kenka, ket pinaimbagnak.+   O Jehova, inaonmo ti kararuak iti mismo a Sheol;+Pinagtalinaednak a sibibiag, tapno saanak a bumaba iti abut.+   Mangipaaykayo iti samiweng ken Jehova, O dakayo a nasungdona,+Agyamankayo iti nasantuan a pakalaglagipanna;+   Agsipud ta ti kaadda iti sidong ti ungetna ket apagkanito,+Ti kaadda iti sidong ti naimbag a nakemna ket bayat ti panagbiag.+Iti rabii mabalin nga agtaeng ti panagsangit,+ ngem iti bigat adda narag-o nga ikkis.+   No maipapan kaniak, kinunak iti panagnam-ayko:+“Saanakto a pulos mapagdiwengdiweng.”+   O Jehova, iti naimbag a nakemmo pinagtakdermo a sititibker ti bantayko.+Inlingedmo ta rupam; nagbalinak a mariribukan.+   Kenka, O Jehova, immaw-awagak;+Ket nangipakpakaasiak ken Jehova iti pabor.+   Ania ti magunggona iti darak inton bumabaak iti abut?+Idayawnakanto kadi ti tapok?+ Ibagananto kadi ti maipapan iti kinapudnom?+ 10  Dumngegka, O Jehova, ket ipaayannak iti parabur.+O Jehova, agbalinka a katulongak.+ 11  Ti panagleddaangko binaliwam iti panagsala maipaay kaniak;+Pinalukayam ti tinakpilko, ket pagtalinaedennak a nabariksan iti panagrag-o,+  12  Tapno ti dayagko mangipaay iti samiweng kenka ket saan nga agulimek.+O Jehova a Diosko, agingga iti tiempo a di nakedngan idayawkanto.+

Footnotes