Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

Online a Biblia | BARO A LUBONG A PATARUS TI NASANTUAN A KASURATAN

Salmo 29:1-11

Samiweng ni David. 29  Ipaayyo ken Jehova, O dakayo nga annak dagidiay napigsa, Ipaayyo ken Jehova ti dayag ken pigsa.+   Ipaayyo ken Jehova ti dayag ti naganna.+ Agruknoykayo ken Jehova iti nasantuan nga arkos.+   Ti timek ni Jehova adda iti ngatuen ti dandanum;+ Ti met laeng nadayag a Dios+ naggurruod.+ Ni Jehova adda iti ngatuen ti adu a danum.+   Ti timek ni Jehova mannakabalin;+ Ti timek ni Jehova nangayed.+   Ti timek ni Jehova tukkolenna dagiti sedro; Wen, ni Jehova tukkotukkolenna dagiti sedro ti Libano,+   Ket paglagtulagtuenna ida a kas iti kigaw a baka,+ Ti Libano ken Sirion+ kas iti annak dagiti atap a toro.   Ti timek ni Jehova mangtaga babaen kadagiti gil-ayab ti apuy;+   Ti met laeng timek ni Jehova pagtiritirenna ti let-ang,+ Ni Jehova pagtiritirenna ti let-ang ti Cades.+   Ti met laeng timek ni Jehova pagtiritirenna dagiti kabaian nga ugsa kadagiti panagpasikal+ Ket labusanna dagiti bakir.+ Ket iti templona kunkunaen ti tunggal maysa: “Dayag!”+ 10  Iti rabaw ti layus nagtugaw ni Jehova;+ Ket ni Jehova agtugaw kas ari agingga iti tiempo a di nakedngan.+ 11  Ni met laeng Jehova pudno a mangipaayto ti pigsa iti ilina.+ Ni met laeng Jehova bendisionannanto ti ilina iti talna.+

Footnotes