Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

Online a Biblia | BARO A LUBONG A PATARUS TI NASANTUAN A KASURATAN

Salmo 27:1-14

Ni David. 27  Ni Jehova ti silawko+ ken pakaisalakanak.+Siasino ti pagbutngakto?+Ni Jehova ti salindeg ti biagko.+Siasino ti pagalinggagetakto?+   Idi a dagiti managaramid iti dakes immasidegda maibusor kaniak tapno lamutenda ti lasagko,+Isuda a kalabanko ken kabusorko met laeng,+Naitibkol ken napasagda a mismo.+   Uray no maibusor kaniak a ti maysa a pakarso mangibangon iti tolda,+Ti pusok saanto nga agbuteng.+Uray no maibusor kaniak a tumaud ti gubat,+No kasta agtalekakto.+   Maysa a banag ti kiniddawko ken Jehova+Isu dayta ti sapulekto,+Nga agnaedak koma iti balay ni Jehova iti amin nga al-aldaw ti panagbiagko,+Tapno kitaek ti kinamakaay-ayo ni Jehova+Ken tapno imatangak ti templona buyogen ti panangtagipateg.+   Ta ilemmengnakto iti talimengna iti aldaw ti didigra;+Ilingednakto iti nalimed a lugar ti toldana;+Ikabilnakto a nangato iti maysa a bato.+   Ket ita ti ulok nangatonto iti ngatuen dagiti kabusorko iti intero nga aglikmutko;+Ket agisakripisioakto iti toldana kadagiti sakripisio ti narag-o a panagdir-i;+Agkantaakto ken mangipaayak iti samiweng ken Jehova.+   Dumngegka, O Jehova, no umawagak babaen iti timekko,+Ket ipaayannak iti parabur ken sungbatannak.+   Maipapan kenka kinuna ti pusok: “Ikagumaanyo a saraken ti rupak.”+Ti rupam, O Jehova, ikagumaakto a saraken.+   Dika ilinged ta rupam manipud kaniak.+Iti ungetmo dika papanawen ti adipenmo.+Agbalinka koma a badangko.+Saannak a baybay-an ken saannak a panawan, O Dios ti pannakaisalakanko.+ 10  No kas pagarigan ti bukodko nga ama ken ti bukodko nga ina pinanawandak,+Ni met laeng Jehova pidutennakto.+ 11  Isuronak, O Jehova, iti dalanmo,+Ket iturongnak iti dana ti kinapalungdo maigapu kadagiti kadangadangko. 12  Saannak nga iyawat iti kararua dagiti kalabanko;+Ta maibusor kaniak timmakder dagiti ulbod a saksi,+Ken daydiay agyesngaw iti kinaranggas.+ 13  No saanak a naaddaan iti pammati iti pannakakita ti kinaimbag ni Jehova iti daga dagidiay sibibiag+—! 14  Manginanamaka ken Jehova;+ bumilegka ket pumigsa koma ta pusom.+Wen, manginanamaka ken Jehova.+

Footnotes