Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

Online a Biblia | BARO A LUBONG A PATARUS TI NASANTUAN A KASURATAN

Salmo 26:1-12

Ni David. 26  Ukomennak,+ O Jehova, ta siak nagnaak iti bukodko a kinatarnaw,+Ket nagtalekak ken Jehova, tapno saanak nga agdiwerdiwer.+   Sukimatennak, O Jehova, ket subokennak;+Pasudiem dagiti bekkelko ken ti pusok.+   Ta ti naayat a kinamanangngaasim adda iti sanguanan dagiti matak,Ket nagnaak iti kinapudnom.+   Saanak a nakikatugaw kadagiti tattao ti di kinapudno;+Ket saanak a sumrek a kadua dagidiay mangilemmeng iti kinasiasinoda.+   Ginurak ti kongregasion dagiti managaramid iti dakes,+Ket saanak a makikatugaw kadagidiay nadangkes.+   Bugguakto dagiti imak iti mismo a kinaawan basol,+Ket agmartsaakto a manglikmut iti altarmo, O Jehova,+   Tapno ipangngegko a sipipigsa ti panagyaman,+Ken tapno ideklarak amin a nakaskasdaaw nga ar-aramidmo.+   Jehova, inayatko ti pagnaedan iti balaymo+Ken ti lugar a pagtataengan ti dayagmo.+   Dika ikkaten ti kararuak a maikuyog kadagiti managbasol,+Wenno uray ti biagko a maikuyog kadagiti tattao a nakabasol iti dara,+ 10  A kadagiti imada adda nalulok a kababalin,+Ket ti makannawan nga imada napno iti panagpasuksok.+ 11  No maipapan kaniak, iti kinatarnawko magnaakto,+O subbotennak+ ket ipaayannak iti parabur.+ 12  Ti bukodko a saka pudno unay nga agtakderto iti nalantag a disso;+Iti tengnga dagiti naguummong a reprep bendituekto ni Jehova.+

Footnotes