Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Salmo 25:1-22

Ni David. א [ʼA′lef] 25  Kenka, O Jehova, itangadko ti mismo a kararuak.+ ב [Beth]   O Diosko, kenka inkabilko ti panagtalekko;+ O saanak koma a mabainan. Saan koma nga agrag-o kaniak dagiti kabusorko.+ ג [Gi′mel]   Kasta met, awan kadagidiay mangin-inanama kenka ti mabainanto.+ Mabainanto dagidiay makilanglangen a sigugulib nga awanan balligi.+ ד [Da′leth]   Ipakaammom kaniak dagiti bukodmo a dalan, O Jehova;+ Isurom kaniak dagiti bukodmo a dana.+ ה [Heʼ]   Papagnaennak iti kinapudnom ket isuronak,+ Ta sika ti Dios ti pannakaisalakanko.+ ו [Waw] Kenka nanginanamaak iti intero nga agmalem.+ ז [Za′yin]   Lagipem dagiti asim,+ O Jehova, ken dagiti naayat a kinamanangngaasim,+ Ta manipudda iti tiempo a di nakedngan.+ ח [Cheth]   Dagiti basol ti kinaagtutubok ken dagiti iyaalsak O dika lagipen.+ Maitunos iti naayat a kinamanangngaasim sika lagipennak,+ Maipagapu iti kinaimbagmo, O Jehova.+ ט [Teth]   Naimbag ken nalinteg ni Jehova.+ Dayta ti makagapu a dagiti managbasol isurona maipapan iti dalan.+ י [Yodh]   Dagidiay naemma papagnaennanto iti hudisial a pangngeddengna,+ Ket kadagidiay naemma isuronanto ti dalanna.+ כ [Kaf] 10  Amin dagiti dana ni Jehova ket naayat a kinamanangngaasi ken kinapudno Kadagidiay mangsalsalimetmet iti tulagna+ ken kadagiti pammalagipna.+ ל [La′medh] 11  Maipagapu iti naganmo, O Jehova,+ Pakawanem koma ngarud ti biddutko, ta dakkel dayta.+ מ [Mem] 12  Siasino, ita, ti tao nga agbuteng ken Jehova?+ Isuronanto maipapan iti dalan a piliennanto.+ נ [Nun] 13  Ti bukodna a kararua agtaengto iti mismo a kinaimbag,+ Ket ti bukodna a kaputotan tagikuaennanto ti daga.+ ס [Sa′mekh] 14  Ti kinasinged ken Jehova kukua dagidiay agbuteng kenkuana,+ Kasta met ti tulagna, tapno ipakaammona dayta kadakuada.+ ע [ʽA′yin] 15  Dagiti matak patinayon a situturongda ken Jehova,+ Ta isu ti mangiruar kadagiti sakak manipud iti iket.+ פ [Peʼ] 16  Tumaliawka kaniak, ket ipaayannak iti parabur;+ Ta agmaymaysaak ken naparigatanak.+ צ [Tsa·dhe′] 17  Dagiti tuok ti pusok immaduda;+ Manipud kadagiti pakarigatak O iruarnak.+ ר [Resh] 18  Kitaem ti pannakaparigatko ken ti pannakariribukko,+ Ket pakawanem amin a basolko.+ 19  Kitaem no kasano kaadu ti nagbalinan dagiti kabusorko,+ Ket ginuradak iti nadawel a pananggura.+ ש [Shin] 20  Saluadam ti kararuak ket ispalennak.+ Saanak koma a mabainan, ta nagkamangak kenka.+ ת [Taw] 21  Dagiti met laeng kinatarnaw ken kinapalungdo saluadandak koma,+ Ta nanginanamaak kenka.+ 22  O Dios, subbotem ti Israel kadagiti amin a rigatna.+

Footnotes