Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

Online a Biblia | BARO A LUBONG A PATARUS TI NASANTUAN A KASURATAN

Salmo 20:1-9

Iti mangiwanwanwan. Samiweng ni David. 20  Sungbatannaka koma ni Jehova iti aldaw ti rigat.+Salaknibannaka koma ti nagan ti Dios ni Jacob.+   Ibaonna koma ti tulong kenka manipud nasantuan a disso,+Ket saranayennaka manipud iti mismo a Sion.+   Lagipenna koma amin a datonmo a sagut,+Ket awatenna koma ti datonmo a mapuoran kas nalukmeg.+ Selah.   Isu mangted koma kenka maitunos iti pusom,+Ket ti isuamin a pammatigmaanmo tungpalenna koma.+   Agdir-ikamto a sirarag-o gapu iti panangisalakanmo,+Ket iti nagan ti Diosmi ibayogminto dagiti wagaywaymi.+Tungpalen koma ni Jehova amin a kiddawmo.+   Ita ammokon a ni Jehova pudno unay nga isalakanna daydiay pinulotanna.+Isu sungbatanna manipud nasantuan a langlangitna+Babaen iti mangisalakan a mannakabalin nga ar-aramid ti makannawan nga imana.+   Ti sumagmamano maipapan kadagiti karuahe ket ti dadduma maipapan kadagiti kabalio,+Ngem, no kadatayo, ti maipapan iti nagan ni Jehova a Diostayo dakamatentayto.+   Dagidiay a mismo nakusboda ken napasagda;+Ngem no kadatayo, timmakdertayo, tapno datayo mapasublitayo.+   O Jehova, isalakanmo ti ari!+Sungbatannakamto iti aldaw nga iyaawagmi.+

Footnotes