Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

Online a Biblia | BARO A LUBONG A PATARUS TI NASANTUAN A KASURATAN

Salmo 17:1-15

Kararag ni David. 17  Denggem no ania ti nalinteg, O Jehova; ipangagmo ti agpakpakaasi nga ikkisko;+ Umimdengka iti kararagko nga awanan kadagiti bibig ti panangallilaw.+   Manipud sanguanam rummuar koma ti pannakaukomko;+ Dagiti bukodmo a mata makitada koma ti kinapalungdo.+   Tiningitingmo ti pusok, iti rabii nangsukimatka,+ Pinasudinak; matakuatamto a saanak a naggandat.+ Ti ngiwatko saanto nga agsalungasing.+   No maipapan iti ar-aramid dagiti tattao, Babaen iti sao dagiti bibigmo siak nagaluadak maibusor kadagiti dana ti mannanakaw.+   Dagiti addangko kumpetda koma kadagiti desdesmo,+ A kadagita sigurado a saanto a mapagdiwengdiweng dagiti addangko.+   Siak umawagak kenka, agsipud ta sungbatannakto, O Dios.+ Iyallingagmo kaniak ta lapayagmo. Denggem ti sasaok.+   Pagbalinem a nakaskasdaaw dagiti aramid ti naayat a kinamanangngaasim,+ O Manangisalakan dagidiay agkamkamang Manipud kadagiti managalsa maibusor iti makannawan nga imam.+   Aywanannak kas iti alintatao ti bukel ti mata,+ Iti salinong dagiti payakmo italimengnak koma,+   Gapu kadagiti nadangkes a nagagaw manipud kaniak. Dagiti met laeng manangbusor iti kararuak mangal-alikubkobda kaniak.+ 10  Tinikubda ti bagbagida iti bukodda a taba;+ Babaen iti ngiwatda nagsaoda buyogen ti kinatangsit;+  11  No maipapan kadagiti addangmi, ita linikmutdakami;+ Ipamaysada dagiti matada nga agannayas agingga iti daga.+ 12  Ti kaaspingna ket kas iti leon a mangiliw a mangrangrangkay+ Ken kas iti urbon a leon a situtugaw kadagiti natalimeng a lugar. 13  Tumakderka, O Jehova; isu sarangtem a rupanrupa;+ Isu pagrukobem; babaen iti kampilanmo+ ilisim ti kararuak iti daydiay nadangkes, 14  Manipud kadagiti tattao, babaen iti imam, O Jehova,+ Manipud kadagiti tattao daytoy a sistema+ ti bambanag, a ti binglayda adda iti daytoy a biag,+ Ken isuda a ti tianda punnuem iti naitalimeng a gamengmo,+ Isuda a mapnek iti annak+ Ken isuda a mangurnong maipaay kadagiti ubbingda iti mateddada.+ 15  No maipapan kaniak, iti kinalinteg makitakto ta rupam;+ Mapnekakto inton agriingak a mangkita iti langam.+

Footnotes