Mapan iti linaonna

Mapan iti listaan dagiti linaonna

Dagiti Saksi ni Jehova

Agpili iti lengguahe Iloko

Salmo 148:1-14

148  Idaydayawyo ni Jah!+Idaydayawyo ni Jehova manipud iti langlangit,+Idaydayawyo kadagiti kangatuan.+   Idaydayawyo, dakayo amin nga anghelna.+Idaydayawyo, dakayo amin a buyotna.+   Idaydayawyo, dakayo nga init ken bulan.+Idaydayawyo, dakayo amin a bituen ti lawag.+   Idaydayawyo, dakayo a langlangit ti langlangit,+Ken dakayo a dandanum nga adda iti ngatuen ti langlangit.+   Idaydayawda koma ti nagan ni Jehova;+Ta isu nagbilin, ket naparsuada.+   Ket pagtalinaedenna ida iti agnanayon, agingga iti tiempo a di nakedngan.+Nangted iti alagaden, ket saanto nga aglabas dayta.+   Idaydayawyo ni Jehova manipud iti daga,+Dakayo nga ulimaw ti baybay ken dakayo amin a nadanum a yuyeng,+   Dakayo nga apuy ken uraro, niebe ken napuskol nga asuk,+Sika a nadawel unay nga angin, a mangibanag iti saona,+   Dakayo a bambantay ken dakayo amin a turturod,+Dakayo a kaykayo nga agbunga ken dakayo amin a sedro,+ 10  Dakayo nga atap nga an-animal ken dakayo amin a naamo nga an-animal,+Dakayo nga agkarkarayam a bambanag ken nagpayak a tumatayab,+ 11  Dakayo nga ar-ari iti daga+ ken dakayo amin a nasional a bunggoy,Dakayo a piprinsipe+ ken dakayo amin nga uk-ukom iti daga,+ 12  Dakayo nga agtutubo+ a lallaki ken kasta met dakayo a birhen,+Dakayo a lallakay+ agraman ubbing.+ 13  Idaydayawda koma ti nagan ni Jehova,+Ta ti naganna laeng ti di magaw-at ti kangatona.+Ti dayawna adda iti ngatuen ti daga ken langit.+ 14  Ket itan-oknanto ti sara ti ilina,+Ti panangidaydayaw dagiti amin a nasungdona,+Ti annak ti Israel, ti ili nga asideg kenkuana.+Idaydayawyo ni Jah!+

Footnotes