Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

Online a Biblia | BARO A LUBONG A PATARUS TI NASANTUAN A KASURATAN

Salmo 147:1-20

147  Idaydayawyo ni Jah,+ Ta nasayaat ti mangipaay iti samiweng iti Diostayo;+ Ta makaay-ayo dayta—mayanatup ti panangidaydayaw.+   Ni Jehova bangonenna ti Jerusalem;+ Dagidiay naiwarawara iti Israel pagtitiponenna.+   Paimbagenna+ dagidiay nasnaayan ti pusona,+ Ket bedbedanna dagiti naut-ot a pasetda.+   Bilangenna ti dagup dagiti bituen;+ Isuda amin awaganna babaen kadagiti naganda.+   Ti Apotayo naindaklan ken naruay iti pannakabalin;+ Ti pannakaawatna di maibinsabinsa.+   Ni Jehova pabang-aranna dagidiay naemma;+ Dagidiay nadangkes ipababana agingga iti daga.+   Sumungbatkayo ken Jehova buyogen ti panagyaman;+ Mangipaaykayo iti samiweng iti Diostayo iti arpa,+   Daydiay a mangabbong iti langlangit babaen kadagiti ulep,+ Daydiay mangisagana iti tudo maipaay iti daga,+ Daydiay mamagtubo iti berde a ruot kadagiti bantay.+   Kadagiti animal itedna ti taraonda,+ Kadagiti urbon a wak nga umaw-awag.+ 10  Saan nga iti kinabileg ti kabalio nga isu maragsakan,+ Saan met a kadagiti luppo ti tao nga isu makasarak iti ragsak.+ 11  Ni Jehova makasarak iti ragsak kadagidiay agbuteng kenkuana,+ Kadagidiay agur-uray iti naayat a kinamanangngaasina.+ 12  Padayawam ni Jehova,+ O Jerusalem. Idaydayawmo ti Diosmo, O Sion.+ 13  Ta pinalagdana dagiti balunet ti ruruanganmo; Binendisionanna ti annakmo iti tengngam.+ 14  Mangikabil iti talna iti teritoriam;+ Babaen iti taba ti trigo pempennekennaka.+ 15  Ibaonna ti sasaona iti daga;+ Buyogen ti kinapardas agtaray ti saona. 16  Mangipaay iti niebe kas delana;+ Ti nagbalay a linnaaw iwarawarana a kas iti dapdapo.+ 17  Ipalladawna ti yelona kas kadagiti murkat.+ Iti sanguanan ti lam-ekna siasino ti makabalin nga agtakder?+ 18  Ibaonna ti saona+ ket tunawenna ida. Tignayenna nga agpuyupoy ti anginna;+ Ti dandanum agaruyotda. 19  Ibagana ti saona ken Jacob,+ Dagiti alagadenna+ ken dagiti hudisial a pangngeddengna iti Israel.+ 20  Saanna nga inaramid ti kasta a wagas iti aniaman a sabali pay a nasion;+ Ket no maipapan kadagiti hudisial a pangngeddengna, saanda a naammuan ida.+ Idaydayawyo ni Jah!+

Footnotes