Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

Online a Biblia | BARO A LUBONG A PATARUS TI NASANTUAN A KASURATAN

Salmo 144:1-15

Ni David. 144  Bendito koma ni Jehova a Batok,+A mangisursuro kadagiti imak iti pannakirupak,+Kadagiti ramayko iti pannakigubat;   Ti naayat a kinamanangngaasik ken salindegko,+Ti natalged a kamangko ken Manangilisi kaniak,+Ti kalasagko+ ken Daydiay a nagkamangak,+Daydiay mangparparukma kadagiti ili iti babaek.+   O Jehova, ania ti tao tapno ikankanom koma,+Ti anak ti mortal a tao+ tapno sipapanunotka koma kenkuana?   Ti met laeng tao adda pannakiarngina iti sang-aw laeng;+Dagiti aldawna kaslada iti aglabas nga anniniwan.+   O Jehova, pagluyokem ti langlangitmo tapno agpababaka koma;+Sagidem dagiti bantay tapno agasukda koma.+   Lawagam babaen iti kimat tapno maiwarawaram ida;+Ibiatmo dagiti panam tapno mariribukmo ida.+   Iyunnatmo dagita imam manipud iti kangatuan;+Wayawayaannak ket ispalennak iti adu a danum,+Iti ima dagiti ganggannaet,+   A ti ngiwatda nagsao iti saan a pudno+Ken ti makannawan nga imada ket makannawan nga ima ti kinaulbod.+   O Dios, kantaankanto iti baro a kanta.+Iti maysa a pagtokar a sangapulo ti kuerdasna mangipaayakto iti samiweng kenka,+ 10  Daydiay mangmangted ti pannakaisalakan iti ar-ari,+Daydiay mangwayawaya ken David nga adipenna manipud iti makadangran a kampilan.+ 11  Wayawayaannak ket ispalennak iti ima dagiti ganggannaet,+A ti ngiwatda nagsao iti saan a pudno+Ken ti makannawan nga imada ket makannawan nga ima ti kinaulbod,+ 12  Isuda nga agkuna: “Ti annakmi a lallaki kaslada babassit a mula a dimmakkel iti kinaagtutuboda,+Ti annakmi a babbai kaslada kadagiti pasuli a nakitikitan iti langa ti palasio, 13  Namsek dagiti agamangmi, a mangipapaay kadagiti bunga a nagduduma a kita,+Dagiti arbanmi umad-adu iti rinibu, sangapulo a ribu iti maysa, kadagiti kalsadami, 14  Madagdagsenan ti bakbakami, nga awan ti aniaman a pannakapisang ken awan pannakaregreg ti sikog,+Ket awan ti ikkis kadagiti publiko a plasami.+ 15  Naragsak ti ili a kasta ti kasasaadna!”Naragsak ti ili a ti Diosna isu ni Jehova!+

Footnotes