Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Salmo 140:1-13

Agpaay iti mangiwanwanwan. Samiweng ni David. 140  Alawennak, O Jehova, kadagiti dakes a tattao;+ Saluadannak koma uray pay iti tao nga addaan ar-aramid a kinaranggas,+   Dagidiay nanggandat iti dakes a bambanag iti pusoda,+ Nga iti intero nga agmalem dumardarupda kas kadagiti gubat.+   Pinatademda ti dilada kas iti dila ti maysa a serpiente;+ Ti gita ti nagsara a karasaen adda iti baba dagiti bibigda.+ Selah.   Aywanannak, O Jehova, manipud iti im-ima daydiay nadangkes;+ Saluadannak koma uray pay iti tao nga addaan ar-aramid a kinaranggas,+ Dagidiay a nanggandat a mangiduron kadagiti addangko.+   Dagidiay nangitan-ok iti bagbagida nangilemmengda iti palab-og maipaay kaniak;+ Ket nangiwayatda kadagiti tali kas maysa nga iket iti igid ti desdes.+ Nangipakatda kadagiti silo maipaay kaniak.+ Selah.   Kinunak ken Jehova: “Sika ti Diosko.+ Umimdengka, O Jehova, iti timek dagiti panagpakaasik.”+   O Jehova a Soberano nga Apo,+ ti pigsa ti pannakaisalakanko,+ Liningedam ti ulok iti aldaw ti armado a puersa.+   Dika itden, O Jehova, dagiti gartem daydiay nadangkes.+ Dika itandudo ti panangisiksikatna, tapno saanda a maitan-ok.+ Selah.   No maipapan kadagiti ulo dagidiay mangliklikmut kaniak,+ Abbongan koma ida ti riribuk dagiti bukodda a bibig.+ 10  Agdisso koma kadakuada dagiti sumsumged a beggang.+ Maitinnagda koma iti apuy,+ kadagiti nadanum nga abut, tapno saanda a makatakder.+ 11  Ti mannanao iti dakes—saan koma a maipasdek a sititibker iti daga.+ Ti tao ti kinaranggas—anupen koma ti mismo a dakes babaen kadagiti maulit-ulit a dugsol.+ 12  Pagaammok unay a ni Jehova ipakatnanto+ Ti legal a dawat daydiay naparigatan, ti pannakaukom dagidiay napanglaw.+ 13  Sigurado a dagiti met laeng nalinteg agyamandanto iti naganmo;+ Dagidiay napalungdo agnaeddanto iti sanguanam.+

Footnotes