Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

Online a Biblia | BARO A LUBONG A PATARUS TI NASANTUAN A KASURATAN

Salmo 135:1-21

135  Idaydayawyo ni Jah!+ Idaydayawyo ti nagan ni Jehova,+ Mangidatonkayo iti panagdayaw, O ad-adipen ni Jehova,+   Dakayo a sitatakder iti balay ni Jehova,+ Kadagiti paraangan ti balay ti Diostayo.+   Idaydayawyo ni Jah, ta ni Jehova naimbag.+ Mangipaaykayo iti samiweng iti naganna, ta makaay-ayo dayta.+   Ta ni Jah pinilina uray pay ni Jacob maipaay kenkuana,+ Ti Israel a maipaay a naisangsangayan a sanikuana.+   Ta siak pagaammok unay a ni Jehova naindaklan,+ Ket ti Apotayo nangnangruna ngem kadagiti amin a sabali a didios.+   Isuamin a nakaragsakan ni Jehova nga aramiden inaramidna+ Iti langlangit ken iti daga, kadagiti baybay ken kadagiti amin a nadanum a yuyeng.+   Pangatuenna dagiti alibungubong manipud iti ungto ti daga;+ Nangaramid pay kadagiti aribengbeng maipaay iti tudo;+ Paruarenna ti angin manipud kadagiti kamaligna,+   Isuna a nangkabil kadagidiay inauna ti Egipto,+ Agpadpada ti tao ken animal.+   Isu nangibaon kadagiti pagilasinan ken milagro iti tengngam, O Egipto,+ Ken Faraon ken kadagiti amin nga adipenna;+ 10  Isuna a nangkabil iti adu a nasion+ Ken nangpapatay iti mannakabalin nga ar-ari,+ 11  Uray ni Sihon nga ari dagiti Amoreo+ Ken ni Og nga ari ti Basan+ Ken amin dagiti pagarian ti Canaan,+ 12  Ken isuna a nangited ti dagada kas maysa a tawid,+ Maysa a tawid iti Israel nga ilina.+ 13  O Jehova, ti naganmo ket agingga iti tiempo a di nakedngan.+ O Jehova, ti pakalaglagipam ket agingga iti kinapkaputotan.+ 14  Ta irupirto ni Jehova ti kalintegan ti ilina,+ Ket agladingitto uray pay gapu kadagiti adipenna.+ 15  Dagiti idolo ti nasnasion ket pirak ken balitok,+ Ti aramid dagiti ima ti naindagaan a tao.+ 16  Addaanda iti ngiwat, ngem saanda a makapagsao iti aniaman;+ Addaanda iti matmata, ngem saanda a makakita iti aniaman;+ 17  Addaanda iti laplapayag, ngem saanda a makangngeg iti aniaman.+ Kasta met nga awan espiritu iti ngiwatda.+ 18  Dagidiay mangar-aramid kadakuada agbalindanto a kas kadakuada,+ Tunggal maysa nga agtalek kadakuada.+ 19  O balay ti Israel, bendituenyo ni Jehova.+ O balay ni Aaron, bendituenyo ni Jehova.+ 20  O balay ni Levi, bendituenyo ni Jehova.+ Dakayo a managbuteng ken Jehova, bendituenyo ni Jehova.+ 21  Bendito koma ni Jehova manipud Sion,+ Isuna nga agtataeng iti Jerusalem.+ Idaydayawyo ni Jah!+

Footnotes