Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Salmo 132:1-18

Kanta dagiti Panagsang-at. 132  Lagipem, O Jehova, ti maipapan ken David+ Amin a pannakaipababana;+   No kasano nga insapatana ken Jehova,+ No kasano nga inkarina iti Daydiay Mannakabalin+ ni Jacob:+   “Saanakto a sumrek iti tolda ti balayko.+ Saanakto a sumagpat iti idda ti naindaklan a siledko,+   Saankonto a paturogen dagiti matak,+ Wenno uray pagridepen dagiti bukodko nga agsilnasilnag a mata,+   Agingga a makasarakak iti lugar a maipaay ken Jehova,+ Maysa a naindaklan a tabernakulo maipaay iti Daydiay Mannakabalin ni Jacob.”+   Adtoy! Nangngegmi dayta idiay Efrata,+ Nasarakanmi dayta kadagiti tay-ak ti bakir.+   Sumrektayo iti naindaklan a tabernakulona;+ Agruknoytayo iti pagbatayan ti sakana.+   Tumakderka, O Jehova, iti lugar a paginanaam,+ Sika ken ti Lakasa+ ti pigsam.+   Ti met laeng papadim makawesanda koma iti kinalinteg,+ Ket dagidiay bukodmo a nasungdo agdir-ida koma a sirarag-o.+ 10  Maigapu ken David nga adipenmo,+ Dika pagbaw-ingen ti rupa daydiay pinulotam.+ 11  Ni Jehova insapatana ken David,+ Pudno unay nga isu saanto nga agsanud manipud iti dayta:+ “Iti bunga ti tianmo+ Isaadkonto iti tronom.+ 12  No salimetmetanto ti annakmo ti tulagko+ Ken dagiti pammalagipko nga isurokto kadakuada,+ Iti agnanayon ti annakda met+ Agtugawdanto iti tronom.”+ 13  Ta ni Jehova pinilina ti Sion;+ Inil-iliwna dayta kas maysa a pagnaedan maipaay kenkuana:+ 14  “Daytoy ti paginanaak a lugar iti agnanayon;+ Ditoy nga agnaedakto, ta inil-iliwko dayta.+ 15  Dagiti pagtaraonna bendisionakto a di bumurong.+ Dagidiay napanglawna pennekekto iti tinapay.+ 16  Ket ti papadina kawesakto iti pannakaisalakan;+ Ket dagidiay nasungdona di bumurong nga agdir-idanto a sirarag-o. 17  Sadiay padakkelekto ti sara ni David.+ Insaganaak iti pagsilawan daydiay pinulotak.+ 18  Dagiti kabusorna kawesakto iti bain;+ Ngem rumangpayanto+ kenkuana ti balangatna.”+

Footnotes