Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

Online a Biblia | BARO A LUBONG A PATARUS TI NASANTUAN A KASURATAN

Salmo 119:1-176

א [ʼAʹlef] 119  Naragsak dagidiay awan pagkuranganna iti dalanda,+Dagidiay magmagna iti linteg ni Jehova.+   Naragsak dagidiay mangsalsalimetmet kadagiti pammalagipna;+Buyogen ti isuamin a puso agtultuloyda a mangbirok kenkuana.+   Pudno a saanda nga inannurot ti kinakillo.+Iti daldalanna nagnada.+   Sika impaaymo dagiti bilinmo buyogen ti kinaturay+Tapno masalimetmetan a siaannad.+   O sapay koma ta naipasdek a sititibker ti daldalanko+A mangsalimetmet kadagiti alagadem!+   Iti kasta saanakto a mabainan,+Inton kumitaak kadagiti amin a bilinmo.+   Idayawkanto buyogen ti kinapalungdo ti puso,+Inton masursurok dagiti nalinteg a hudisial a pangngeddengmo.+   Dagiti alagadem itultuloyko a salimetmetan.+O saannak a baybay-an a naan-anay.+ ב [Beth]   Kasanonto ti panangdalus ti maysa nga agtutubo a lalaki+ iti danana?Babaen ti panagaluadna maitunos iti saom.+  10  Buyogen ti intero a pusok binirokka.+Saannak nga iwawa manipud kadagiti bilinmo.+  11  Iti pusok indulinko ti sasaom,+Tapno saanak nga agbasol a maikaniwas kenka.+  12  Benditoka, O Jehova.Isurom kaniak dagiti alagadem.+  13  Babaen kadagiti bibigko indeklarak+Amin dagiti hudisial a pangngeddeng ti ngiwatmo.+  14  Iti dalan dagiti pammalagipmo nagrag-oak,+Kas iti amin a sabsabali a napateg a bambanag.+  15  Kadagiti bilinmo ipamaysakto ti bagik,+Ket kumitaakto kadagiti danam.+  16  Kadagiti paglintegam ipakitakto ti panangay-ayat.+Saankonto a lipaten ti saom.+ ג [Giʹmel]  17  Agtignayka a siuumiso maipaay iti adipenmo, tapno agbiagak koma+Ken tapno masalimetmetak ti saom.+  18  Luktam dagiti matak, tapno kumitaak koma+Iti nakaskasdaaw a bambanag manipud lintegmo.+  19  Maysaak laeng a ganggannaet nga agnanaed iti daga.+Dika italimeng manipud kaniak dagiti bilinmo.+  20  Ti kararuak maidagel iti panangil-iliw+Kadagiti hudisial a pangngeddengmo iti isuamin a tiempo.+  21  Binabalawmo dagidiay nailunod a nadursok,+A maiwawwawa manipud kadagiti bilinmo.+  22  Iyadayom kaniak ti pannakaumsi ken pannakaab-abi,+Ta sinalimetmetak dagiti bukodmo a pammalagip.+  23  Uray dagiti prinsipe nagtugawda; maibusor kaniak nagsasaoda iti maysa ken maysa.+No maipapan iti adipenmo, ipamaysana ti bagina kadagiti alagadem.+  24  Kasta met, dagiti pammalagipmo isuda ti pakaay-ayatak,+Kas tattao ti pammatigmaanko.+ ד [Daʹleth]  25  Ti kararuak dimket iti mismo a tapok.+Taginayonennak a sibibiag maitunos iti saom.+  26  Indeklarak ti bukodko a daldalan, tapno sungbatannak koma.+Isurom kaniak dagiti alagadem.+  27  Ipaawatmo kaniak ti dalan dagiti bukodmo a bilin,+Tapno maipamaysak ti bagik iti nakaskasdaaw nga ar-aramidmo.+  28  Ti kararuak awanan turog idi gapu iti ladingit.+Patakderennak maitunos iti saom.+  29  Ikkatem kaniak uray ti ulbod a dalan,+Ket paraburannak babaen iti bukodmo a linteg.+  30  Pinilik ti dalan ti kinamatalek.+Dagiti hudisial a pangngeddengmo imbilangko a maitutop.+  31  Kimpetak kadagiti pammalagipmo.+O Jehova, saannak nga ibabain.+  32  Tarayekto ti mismo a dalan dagiti bilinmo,+Agsipud ta palawaem ti pusok.+ ה [Heʼ]  33  Isuronak, O Jehova, iti dalan dagiti alagadem,+Tapno masalimetmetak dayta agingga iti kamaudianan.+  34  Ikkannak iti pannakaawat, tapno matungpalko ti lintegmo+Ken tapno masalimetmetak dayta buyogen ti isuamin a puso.+  35  Pabaddekennak iti dasdas dagiti bilinmo,+Ta iti dayta naragsakanak.+  36  Pagannayasem ti pusok kadagiti pammalagipmo,+Ket saan a kadagiti magunggona.+  37  Iliklikmo dagiti matak manipud panangkita iti awan pategna;+Taginayonennak a sibibiag iti bukodmo a dana.+  38  Itungpalmo iti adipenmo ti sasaom+A mamagannayas iti panagbuteng kenka.+  39  Paglabasem ti pannakaumsik, a nagamkak,+Ta naimbag dagiti hudisial a pangngeddengmo.+  40  Adtoy! Inil-iliwko dagiti bilinmo.+Iti kinalintegmo taginayonennak a sibibiag.+ ו [Waw]  41  Ket umay koma kaniak dagiti naayat a kinamanangngaasim, O Jehova,+Ti panangisalakanmo maitunos iti sasaom,+  42  Tapno masungbatak daydiay mangum-umsi kaniak babaen iti maysa a sao,+Ta nagtalekak iti saom.+  43  Ket dika ikkaten a naan-anay iti ngiwatko ti sao ti kinapudno,+Ta inurayko ti bukodmo a hudisial a pangngeddeng.+  44  Ket salimetmetakto a patinayon ti lintegmo,+Agingga iti tiempo a di nakedngan, iti mismo nga agnanayon.+  45  Ket magnaakto iti nalawa a lugar,+Ta binirokko dagiti mismo a bilinmo.+  46  Agsaoakto met maipapan kadagiti pammalagipmo iti sanguanan ti ar-ari,+Ket saanakto a mabain.+  47  Ket ipakitakto ti panangay-ayat kadagiti bilinmo+Nga inayatko.+  48  Ket itag-aykonto dagiti dakulapko kadagiti bilinmo nga inayatko,+Ket ipamaysakto ti bagik kadagiti alagadem.+ ז [Zaʹyin]  49  Lagipem ti sao iti adipenmo,+A maipaay iti dayta pinaguraynak.+  50  Daytoy ti liwliwak iti rigatko,+Ta ti bukodmo a sasao tinaginayonnak a sibibiag.+  51  Dagidiay nadursok inuyawdak iti napalalo.+Iti lintegmo saanak a simiasi.+  52  Linagipko dagiti hudisial a pangngeddengmo manipud tiempo a di nakedngan, O Jehova,+Ket makasarakak iti liwliwa maipaay iti bagik.+  53  Ti met laeng nabara a panagpungtot kimpet kaniak gapu kadagiti nadangkes,+A mangpampanaw iti lintegmo.+  54  Dagiti alagadem nagbalinda kaniak a samsamiweng+Iti balay dagiti pagnaedak kas ganggannaet.+  55  Iti rabii linagipko ti naganmo, O Jehova,+Tapno masalimetmetak ti lintegmo.+  56  Uray daytoy nagbalin a kukuak,Agsipud ta tinungpalko dagiti bilinmo.+ ח [Cheth]  57  Ni Jehova ti binglayko;+Inkarik a salimetmetak ti sasaom.+  58  Pinaluknengko ti rupam buyogen ti isuamin a pusok.+Ipaayannak iti parabur maitunos iti sasaom.+  59  Inutobko ti daldalanko,+Tapno mapagsublik dagiti sakak kadagiti pammalagipmo.+  60  Nagdardarasak, ket saanak a nagtaktak+A mangsalimetmet kadagiti bilinmo.+  61  Dagiti mismo a tali dagidiay nadangkes pinalikmutandak.+Ti lintegmo saanko a linipatan.+  62  Iti tengnga ti rabii bumangonak tapno agyamanak kenka+Gapu kadagiti nalinteg a hudisial a pangngeddengmo.+  63  Maysaak a kadua dagidiay amin nga agbuteng kenka,+Ken dagidiay mangsalsalimetmet kadagiti bilinmo.+  64  Ti naayat a kinamanangngaasim, O Jehova, pinunnona ti daga.+Isurom kaniak dagiti bukodmo nga alagaden.+ ט [Teth]  65  Pudno a nakilangenka a naimbag iti adipenmo,+O Jehova, maitunos iti saom.+  66  Isuronak iti kinaimbag,+ kinasimbeng+ ken pannakaammo a mismo,+Ta winatwatko ti pammati kadagiti bilinmo.+  67  Sakbay a naaddaak iti sidong ti pannakaparigat nagbasbasolak a di inranranta,+Ngem ita sinalimetmetak ti mismo a sasaom.+  68  Naimbagka ken agar-aramidka iti naimbag.+Isurom kaniak dagiti alagadem.+  69  Dagiti nadursok pinilkatandak iti kinaulbod.+No maipapan kaniak, buyogen ti isuamin a pusok tungpalekto dagiti bilinmo.+  70  Ti pusoda nagbalin a di makarikna a kas iti taba.+Siak, iti biangko, naayatanak iti bukodmo a linteg.+  71  Nasayaat kaniak a naparigatanak,+Tapno masursurok dagiti alagadem.+  72  Ti linteg+ ti ngiwatmo naimbag maipaay kaniak,+Naim-imbag ngem ti rinibu a kapisi a balitok ken pirak.+ י [Yodh]  73  Inaramiddak dagiti bukodmo nga ima, ket impasdekdak a sititibker.+Ikkannak iti pannakaawat, tapno masursurok dagiti bilinmo.+  74  Dagidiay agbuteng kenka isuda dagidiay makakita kaniak ket agrag-oda,+Ta inurayko ti bukodmo a sao.+  75  Pagaammok unay, O Jehova, a dagiti hudisial a pangngeddengmo ket kinalinteg+Ket babaen iti kinamatalek pinarigatnak.+  76  Ti naayat a kinamanangngaasim agserbi koma, pangngaasim, a pangliwliwa kaniak,+Maitunos iti sasaom iti adipenmo.+  77  Umay koma kaniak dagiti asim, tapno makapagtultuloyak nga agbiag;+Ta ti lintegmo isu ti pakaay-ayatak.+  78  Mabainan koma dagidiay nadursok, ta inyaw-awandak nga awan gapgapuna.+No maipapan kaniak, ipamaysak ti bagik kadagiti bilinmo.+  79  Dagidiay agbuteng kenka agsublida koma kaniak,+Kasta met dagidiay makaam-ammo kadagiti pammalagipmo.+  80  Ti pusok mapaneknekan koma nga awan pagkuranganna kadagiti alagadem,+Tapno iti kasta saanak a maibabain.+ כ [Kaf]  81  Iti panangisalakanmo nautoyan ti kararuak;+Inurayko ti saom.+  82  Dagiti matak nautoyanda iti sasaom,+Bayat a kunaek: “Kaanonto a liwliwaennak?”+  83  Ta nagbalinak a kasla lalat a botelia+ iti kaasukan.Dagiti alagadem saanko a linipatan.+  84  Kasano kaadu dagiti aldaw ti adipenmo?+Kaanonto nga ipakatmo ti panangukom maibusor kadagidiay mangidaddadanes kaniak?+  85  Dagiti nadursok nangkalida kadagiti palab-og a pangtiliw kaniak,+Dagidiay saan a makitunos iti lintegmo.+  86  Amin a bilinmo ket kinamatalek a mismo.+Indadanesdak nga awan gapgapuna. O tulongannak.+  87  Iti apagbiit a kanito tinalipuposdak koman iti daga;+Ngem siak saanko a pinanawan dagiti bilinmo.+  88  Maitunos iti naayat a kinamanangngaasim taginayonennak a sibibiag,+Tapno masalimetmetak ti pammalagip ti ngiwatmo.+ ל [Laʹmedh]  89  Agingga iti tiempo a di nakedngan, O Jehova,+Ti saom sisasaad iti langlangit.+  90  Ti kinamatalekmo agpaay iti kinapkaputotan.+Impasdekmo a sititibker ti daga, tapno makapagtalinaed dayta.+  91  Maitunos kadagiti hudisial a pangngeddengmo nagtalinaedda agingga ita nga aldaw,+Ta ad-adipenmo amin ida.+  92  No ti lintegmo saan nga isu ti pakaay-ayatak,+Iti kasta napukawak koman iti rigatko.+  93  Agingga iti tiempo a di nakedngan saankonto a lipaten dagiti bilinmo,+Agsipud ta babaen kadakuada tinaginayonnak a sibibiag.+  94  Kukuanak. O isalakannak,+Agsipud ta binirokko dagiti bukodmo a bilin.+  95  Inuraydak dagiti nadangkes, tapno dadaelendak.+Kadagiti pammalagipmo agtultuloyak nga agimdeng.+  96  Nakakitaak iti pagpatinggaan ti isuamin a kinanaan-anay.+Ti bilinmo nalawa unay. מ [Mem]  97  Anian a panagayatko iti lintegmo!+Iti intero nga agmalem isu dayta ti pakaseknak.+  98  Ti bilinmo pagbalinennak a nasirsirib ngem kadagiti kabusorko,+Agsipud ta agingga iti tiempo a di nakedngan kukuak dayta.+  99  Naaddaanak iti ad-adu a pannakatarus ngem kadagiti amin a mannursurok,+Agsipud ta dagiti pammalagipmo isuda ti pakaseknak.+ 100  Agtignayak a buyogen ti ad-adu a pannakaawat ngem kadagiti lallakay,+Agsipud ta tinungpalko dagiti bukodmo a bilin.+ 101  Manipud tunggal dakes a dana pinawilak dagiti sakak,+Iti panggep a masalimetmetak ti saom.+ 102  Kadagiti hudisial a pangngeddengmo saanak a simiasi,+Ta sika insuronak.+ 103  Anian a nakalamlamuyot iti ngadasko dagiti sasaom,Nalamlamuyot ngem ti diro iti ngiwatko!+ 104  Maigapu kadagiti bilinmo agtignayak a buyogen ti pannakaawat.+Dayta ti makagapu a ginurak ti tunggal ulbod a dana.+ נ [Nun] 105  Ti saom ket pagsilawan iti sakak,+Ken silaw iti danak.+ 106  Nangaramidak iti sinapataan a sasao, ket itungpalkonto dayta,+A salimetmetak dagiti nalinteg a hudisial a pangngeddengmo.+ 107  Naparigatanak iti nakaro.+O Jehova, taginayonennak a sibibiag maitunos iti saom.+ 108  Pangngaasim pagragsakam dagiti boluntario a daton ti ngiwatko, O Jehova,+Ket isurom kaniak dagiti bukodmo a hudisial a pangngeddeng.+ 109  Ti kararuak adda a patinayon iti dakulapko;+Ngem ti lintegmo saanko a linipatan.+ 110  Ti nadangkes nangipakat iti palab-og nga agpaay kaniak,+Ngem manipud kadagiti bilinmo saanak a nagallaalla.+ 111  Innalak dagiti pammalagipmo kas sanikua agingga iti tiempo a di nakedngan,+Ta isuda ti pagrag-oan ti pusok.+ 112  Pinagannayasko ti pusok a mangaramid kadagiti alagadem+Iti tiempo a di nakedngan, agingga iti kamaudianan.+ ס [Saʹmekh] 113  Dagidiay kagkagudua ti pusoda ginurak,+Ngem ti lintegmo inayatko.+ 114  Sika ti lugar a paglemmengak ken kalasagko.+Ti saom inurayko.+ 115  Umadayokayo kaniak, dakayo a managaramid iti dakes,+Tapno matungpalko dagiti bilin ti Diosko.+ 116  Sarakuyennak maitunos iti sasaom, tapno makapagtultuloyak nga agbiag,+Ket saannak nga ibabain maipaay iti namnamak.+ 117  Saranayennak, tapno maisalakanak,+Ket matmatakto a patinayon dagiti alagadem.+ 118  Impalladawmo amin dagidiay sumsumiasi kadagiti alagadem;+Ta ti kinaallilawda ket kinaulbod.+ 119  Kas naggugoran a rugit pinukawmo amin dagidiay nadangkes iti daga.+Gapuna inayatko dagiti pammalagipmo.+ 120  Manipud iti panagalinggaget kenka naaddaan ti lasagko iti naseggar a rikrikna;+Ket gapu kadagiti hudisial a pangngeddengmo nagbutengak.+ ע [ʽAʹyin] 121  Impakatko ti panangukom ken kinalinteg.+O saannak a baybay-an kadagidiay mangsasaur kaniak!+ 122  Agserbika a kas pammasiguro maipaay iti adipenmo agpaay iti naimbag.+Saandak koma a sauren dagidiay nadursok.+ 123  Dagiti mismo a matak nautoyan iti panangisalakanmo+Ken iti nalinteg a sasaom.+ 124  Aramidem iti adipenmo ti maitunos iti naayat a kinamanangngaasim,+Ket isurom kaniak dagiti bukodmo nga alagaden.+ 125  Siak ti adipenmo.+ Ikkannak iti pannakaawat,+Tapno maammuak dagiti pammalagipmo.+ 126  Tiemponan nga agtignay ni Jehova.+Sinalungasingda ti lintegmo.+ 127  Dayta ti makagapu nga inayatko dagiti bilinmo+Nga ad-adda ngem iti balitok, uray ti napasudi a balitok.+ 128  Dayta ti makagapu nga imbilangko nga umiso amin a bilin maipapan iti amin a bambanag;+Tunggal ulbod a dana ginurak.+ פ [Peʼ] 129  Nakaskasdaaw dagiti pammalagipmo.+Dayta ti makagapu a tinungpal ida ti kararuak.+ 130  Ti mismo a panangibutaktak dagiti saom mangted iti lawag,+Mangted iti pannakaawat kadagidiay awanan kapadasan.+ 131  Ti ngiwatko nginangak a naimbag, tapno makaangsabak,+Agsipud ta inil-iliwko dagiti bilinmo.+ 132  Bumaw-ingka kaniak ket ipaayannak iti parabur,+Maitunos iti hudisial a pangngeddengmo kadagidiay mangay-ayat iti naganmo.+ 133  Dagiti bukodko nga addang ipasdekmo a sititibker iti sasaom,+Ket awan koma ti aniaman a makapasakit a banag nga agturay kaniak.+ 134  Subbotennak iti asinoman a manangsaur kadagiti tattao,+Ket salimetmetakto dagiti bilinmo.+ 135  Ti bukodmo a rupa pagsilnagem iti adipenmo,+Ket isurom kaniak dagiti alagadem.+ 136  Dagiti baresbes ti danum nagayusda kadagitoy matak+Gapu iti kinapudno a saanda a nasalimetmetan ti lintegmo.+ צ [Tsa·dheʹ] 137  Nalintegka, O Jehova,+Ket nalinteg dagiti hudisial a pangngeddengmo.+ 138  Imbilinmo dagiti pammalagipmo+ iti kinalintegKen iti kasta unay a kinamatalek.+ 139  Ti kinanasgedko pinagngudonak,+Agsipud ta dagiti kalabanko linipatanda dagiti saom.+ 140  Ti sasaom napasudi iti kasta unay,+Ket ti bukodmo nga adipen ayatenna dayta.+ 141  Maysaak a nanumo ken uumsien.+Dagiti bilinmo saanko a linipatan.+ 142  Ti kinalintegmo maysa a kinalinteg agingga iti tiempo a di nakedngan,+Ket ti lintegmo kinapudno.+ 143  Ti met laeng riribuk ken pakarigatan nasarakandak.+Dagiti bilinmo pakaay-ayatak idi.+ 144  Ti kinalinteg dagiti pammalagipmo ket agingga iti tiempo a di nakedngan.+Ikkannak iti pannakaawat, tapno makapagtultuloyak nga agbiag.+ ק [Qof] 145  Immawagak buyogen ti isuamin a pusok.+ Sungbatannak, O Jehova.+Dagiti alagadem tungpalekto.+ 146  Immawagak kenka. O isalakannak!+Ket salimetmetakto dagiti pammalagipmo.+ 147  Bimmangonak a nasapa iti apagriwet ti bigat,+ tapno makapagpatulongak.+Inurayko dagiti saom.+ 148  Dagiti matak nasaksakbay ngem kadagiti panagbantay iti rabii,+Tapno maipamaysak ti bagik iti sasaom.+ 149  O denggem ti bukodko a timek maitunos iti naayat a kinamanangngaasim.+O Jehova, maitunos iti hudisial a pangngeddengmo taginayonennak a sibibiag.+ 150  Dagidiay mangsursurot iti nalulok a kababalin+ immasidegda;Immadayoda iti bukodmo a linteg.+ 151  Asidegka, O Jehova,+Ket amin a bilinmo kinapudnoda.+ 152  Nabayagen a naammuak ti sumagmamano kadagiti pammalagipmo,+Ta agingga iti tiempo a di nakedngan imbangonmo ida.+ ר [Resh] 153  O kitaem ti rigatko, ket alawennak;+Ta saanko a linipatan ti bukodmo a linteg.+ 154  O tamingem ti legal a kasok ket alangonennak;+Taginayonennak a sibibiag maitunos iti sasaom.+ 155  Ti pannakaisalakan adayo kadagidiay nadangkes,+Ta saanda a binirok dagiti bukodmo nga alagaden.+ 156  Adu dagiti asim, O Jehova.+Maitunos kadagiti hudisial a pangngeddengmo, O taginayonennak a sibibiag.+ 157  Dagiti manangidadanes kaniak ken dagiti kalabanko aduda.+Kadagiti pammalagipmo saanak a simiasi.+ 158  Nakitak dagidiay a nagulib iti pannakilangenda,+Ket marumenak, agsipud ta saanda a sinalimetmetan ti bukodmo a sasao.+ 159  O kitaem ta inayatko dagiti bukodmo a bilin.+O Jehova, maitunos iti naayat a kinamanangngaasim taginayonennak a sibibiag.+ 160  Ti kababagas ti saom ket kinapudno,+Ken ti tunggal nalinteg a hudisial a pangngeddengmo ket agingga iti tiempo a di nakedngan.+ ש [Sin] wenno [Shin] 161  Dagiti met laeng prinsipe indadanesdak nga awan gapgapuna,+Ngem ti pusok nagalinggaget iti bukodmo a sasao.+ 162  Pagragragsakak ti sasaom+A kas iti panagragsak ti maysa no makasarak iti adu a samsam.+ 163  Ti kinaulbod ginurak,+ ket itultuloyko a karimon dayta.+Ti lintegmo inayatko.+ 164  Pito a daras iti maysa nga aldaw indaydayawka+Gapu kadagiti nalinteg a hudisial a pangngeddengmo.+ 165  Ti naruay a talna kukua dagidiay mangay-ayat iti lintegmo,+Ket awan ti pakaitibkolanda.+ 166  Nanginanamaak iti panangisalakanmo, O Jehova,+Ket inaramidko dagiti bukodmo a bilin.+ 167  Ti kararuak sinalimetmetanna dagiti pammalagipmo,+Ket ayatek ida iti kasta unay.+ 168  Sinalimetmetak dagiti bilinmo ken dagiti pammalagipmo,+Ta amin a daldalanko adda iti sanguanam.+ ת [Taw] 169  Ti agpakpakaasi nga ikkisko umasideg koma iti sanguanam, O Jehova.+Maitunos iti saom, O ikkannak iti pannakaawat.+ 170  Ti panagkiddawko iti parabur sumrek koma iti sanguanam.+Maitunos iti sasaom, O ispalennak.+ 171  Dagiti bibigko agyesngaw koma iti panangidaydayaw,+Ta isurom kaniak dagiti alagadem.+ 172  Ti dilak ikantana koma ti sasaom,+Ta amin a bilinmo ket kinalinteg.+ 173  Ta imam agserbi koma a mangtulong kaniak,+Agsipud ta dagiti bilinmo pinilik.+ 174  Inil-iliwko ti panangisalakanmo, O Jehova,+Ket ti lintegmo pakaay-ayatak.+ 175  Ti kararuak agtultuloy koma nga agbiag ken mangidaydayaw kenka,+Ket dagiti bukodmo a hudisial a pangngeddeng tulongandak koma.+ 176  Nagallaallaak a kasla karnero a napukaw.+ O sapulem ti adipenmo,+Ta saanko a linipatan dagiti bukodmo a bilin.+

Footnotes