Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Salmo 118:1-29

118  Agyamankayo ken Jehova ta isu naimbag;+ Ta ti naayat a kinamanangngaasina ket agingga iti tiempo a di nakedngan.+   Kunaen koma ita ti Israel: “Ta ti naayat a kinamanangngaasina ket agingga iti tiempo a di nakedngan.”+   Kunaen koma ita dagiti kameng ti balay ni Aaron:+ “Ta ti naayat a kinamanangngaasina ket agingga iti tiempo a di nakedngan.”+   Kunaen koma ita dagidiay agbuteng ken Jehova:+ “Ta ti naayat a kinamanangngaasina ket agingga iti tiempo a di nakedngan.”+   Manipud kadagiti nariribuk a kasasaad immawagak ken Jah;+ Ni Jah simmungbat ket inkabilnak iti nalawa a lugar.+   Ni Jehova adda iti dasigko; saanakto nga agbuteng.+ Ania ti maaramidan kaniak ti naindagaan a tao?+   Ni Jehova adda iti dasigko iti tengnga dagidiay tumultulong kaniak,+ Iti kasta siak kumitaakto kadagidiay manggurgura kaniak.+   Nasaysayaat ti agkamang ken Jehova+ Ngem ti agtalek iti naindagaan a tao.+   Nasaysayaat ti agkamang ken Jehova+ Ngem ti agtalek kadagiti natan-ok.+ 10  Amin dagiti nasion pinalikmutandak.+ Iti nagan ni Jehova a linaplappedak ida.+ 11  Pinalikmutandak, wen, pinalikmutandak.+ Iti nagan ni Jehova a linaplappedak ida. 12  Pinalikmutandak a kas kadagiti uyokan;+ Naiddepda a kas iti apuy dagiti siitan a babassit a kayo.+ Iti nagan ni Jehova a linaplappedak ida.+ 13  Sika induronnak iti napigsa tapno mapasagak,+ Ngem ni met laeng Jehova tinulongannak.+ 14  Ni Jah isu ti pagsalinongak ken bilegko,+ Ket kaniak isu agbalin a pakaisalakanan.+ 15  Ti timek ti narag-o nga ikkis ken pannakaisalakan+ Adda kadagiti tolda+ dagidiay nalinteg.+ Ti makannawan nga ima ni Jehova mangiparparangarang iti kired.+ 16  Ti makannawan nga ima ni Jehova maitantan-ok a mismo;+ Ti makannawan nga ima ni Jehova mangiparparangarang iti kired.+ 17  Saanakto a matay, no di ket agtultuloyakto nga agbiag,+ Tapno maideklarak ti ar-aramid ni Jah.+ 18  Ni Jah linintegnak iti nakaro,+ Ngem saannak nga inyawat ken patay a mismo.+ 19  Luktanyo kaniak dagiti ruangan ti kinalinteg.+ Sumrekakto kadakuada; idayawkonto ni Jah.+ 20  Daytoy ti ruangan ni Jehova.+ Dagiti met laeng nalinteg sumrekdanto iti dayta.+ 21  Idayawkanto, ta sinungbatannak+ Ket nagbalinka a pakaisalakanak.+ 22  Ti bato a linaksid dagiti managibangon+ Nagbalin nga ulo ti nagsulian.+ 23  Naggapu daytoy ken Jehova a mismo;+ Nakaskasdaaw dayta kadagiti matatayo.+ 24  Daytoy ti aldaw nga inaramid ni Jehova;+ Agrag-otayto ken agragsak iti dayta.+ 25  Ah, ita, Jehova, mangisalakanka, pangngaasim!+ Ah, ita, Jehova, mamagballigika, pangngaasim!+ 26  Bendito koma Daydiay um-umay iti nagan ni Jehova;+ Binendisionandakayo manipud iti balay ni Jehova.+ 27  Ni Jehova isu Daydiay Nadibinuan,+ Ket ipaayannatayo iti lawag.+ O isinggalutyo ti martsa ti piesta+ kadagiti kangrunaan a sanga,+ Agingga kadagiti sara ti altar.+ 28  Sika Daydiay Nadibinuan kaniak, ket idayawkanto;+ Diosko—itan-okkanto.+ 29  Agyamankayo ken Jehova ta isu naimbag;+ Ta ti naayat a kinamanangngaasina ket agingga iti tiempo a di nakedngan.+

Footnotes