Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Salmo 116:1-19

116  Agayatak, agsipud ta denggen ni Jehova+ Ti timekko, dagiti panagdawdawatko.+   Ta inyallingagna kaniak ti lapayagna,+ Ket iti isuamin nga al-aldawko umawagakto.+   Dagiti tali ni patay pinalawlawandak+ Ket dagiti met laeng nariribuk a kasasaad ti Sheol nasarakandak.+ Ti rigat ken ladingit nagtultuloy a nasarakak.+   Ngem iti nagan ni Jehova immawagak:+ “Ah, Jehova, ilisim ti kararuak!”+   Ni Jehova managparabur ken nalinteg;+ Ket ti Diostayo isu Daydiay mangipakpakita iti asi.+   Saluadan ni Jehova dagidiay awanan kapadasan.+ Nagbalinak a napanglaw, ket siak a mismo insalakannak.+   Agsublika iti lugar a paginanaam, O kararuak,+ Ta ni met laeng Jehova nagtignay a siuumiso maipaay kenka.+   Ta inalawmo ti kararuak manipud ken patay,+ Ti matak manipud lulua, ti sakak manipud pannakaitibkol.+   Magnaakto+ iti sanguanan ni Jehova iti dagdaga dagidiay sibibiag.+ 10  Naaddaanak iti pammati,+ ta nagsaoak.+ Siak naparigatanak iti kasta unay. 11  Siak, iti biangko, kinunak, idi naglagawak:+ “Tunggal tao ket naulbod.”+ 12  Ania ti isupapakko ken Jehova+ Gapu kadagiti amin a gunggonana kaniak?+ 13  Ti kopa ti naindaklan a pannakaisalakan+ alaekto, Ket iti nagan ni Jehova umawagakto.+ 14  Dagiti karik tungpalekto ken Jehova,+ Wen, iti sanguanan ti intero nga ilina. 15  Napateg kadagiti mata ni Jehova Ti ipapatay dagidiay nasungdona.+ 16  Ah, ita, O Jehova,+ Ta siak ti adipenmo.+ Siak ti adipenmo, ti anak ti adipenmo a babai.+ Winarwarmo dagiti parautko.+ 17  Kenka idatonkonto ti sakripisio ti panagyaman,+ Ket iti nagan ni Jehova umawagakto.+ 18  Dagiti karik tungpalekto ken Jehova,+ Wen, iti sanguanan ti intero nga ilina,+ 19  Kadagiti paraangan ti balay ni Jehova,+ Iti tengngam, O Jerusalem.+ Idaydayawyo ni Jah!+

Footnotes