Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Salmo 115:1-18

115  Awan ti kukuami, O Jehova, awan ti kukuami,+ No di ket idayawmo ti naganmo+ Maitunos iti naayat a kinamanangngaasim, maitunos iti kinapudnom.+   Apay koma a kunaen dagiti nasion:+ “Sadino, ita, ti ayan ti Diosda?”+   Ngem ti Diosmi adda iti langlangit;+ Isuamin a nagragsakanna nga aramiden inaramidna.+   Dagiti idoloda ket pirak ken balitok,+ Ti aramid dagiti ima ti naindagaan a tao.+   Addaanda iti ngiwat, ngem saanda a makapagsao;+ Addaanda kadagiti mata, ngem saanda a makakita;+   Addaanda kadagiti lapayag, ngem saanda a makangngeg.+ Addaanda iti agong, ngem saanda a makaangot.+   Adda im-imada, ngem saanda a makaarikap.+ Adda saksakada, ngem saanda a makapagna;+ Awan mayebkasda a timek babaen iti karabukobda.+   Dagidiay mangar-aramid kadakuada agbalindanto a kas kadakuada,+ Amin dagidiay nga agtalek kadakuada.+   O Israel, agtalekka ken Jehova;+ Isu ti saranayda ken kalasagda.+ 10  O balay ni Aaron, ikabilyo ti panagtalekyo ken Jehova;+ Isu ti saranayda ken kalasagda.+ 11  Dakayo nga agbuteng ken Jehova, agtalekkayo ken Jehova;+ Isu ti saranayda ken kalasagda.+ 12  Ni met laeng Jehova linagipnatayo; bendisionannanto,+ Bendisionannanto ti balay ni Israel,+ Bendisionannanto ti balay ni Aaron.+ 13  Bendisionannanto dagidiay agbuteng ken Jehova,+ Dagidiay babassit kasta met dagidiay dadakkel.+ 14  Ni Jehova itdennanto ti irarang-ay kadakayo,+ Kadakayo ken iti annakyo.+ 15  Dakayo dagidiay bendito ni Jehova,+ Ti Nangaramid iti langit ken daga.+ 16  No maipapan iti langlangit, kukua ni Jehova ti langlangit,+ Ngem ti daga intedna iti annak ti tattao.+ 17  Dagiti met laeng natay saanda nga idaydayaw ni Jah,+ Wenno uray ti asinoman a bumabbaba iti kinaulimek.+ 18  Ngem datayo bendituentayto ni Jah+ Manipuden ita ken agingga iti tiempo a di nakedngan.+ Idaydayawyo ni Jah!+

Footnotes