Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Salmo 113:1-9

113  Idaydayawyo ni Jah!+ Mangidatonkayo iti panagdayaw, O dakayo nga ad-adipen ni Jehova,+ Idaydayawyo ti nagan ni Jehova.+   Agbalin koma a bendito ti nagan ni Jehova+ Manipuden ita ken agingga iti tiempo a di nakedngan.+   Manipud iti ileleggak ti init agingga iti ilelennekna+ Ti nagan ni Jehova maidaydayaw.+   Ni Jehova nagbalin a nangato iti ngatuen dagiti amin a nasion;+ Ti dayagna adda iti ngatuen ti langlangit.+   Siasino ti kas ken Jehova a Diostayo,+ Daydiay mangar-aramid ti pagnaedanna iti nangato?+   Isu agpakumbaba tapno kumita iti langit ken daga,+   Nga ibangonna daydiay nanumo manipud iti mismo a tapok;+ Itan-okna daydiay napanglaw manipud iti abut ti dapo met laeng,+   Tapno pakikatugawenna kadagiti natan-ok,+ Kadagiti natan-ok iti ilina.+   Pagnaedenna ti lupes a babai iti maysa a balay+ Kas maysa a narag-o nga ina ti annak.+ Idaydayawyo ni Jah!+

Footnotes