Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

Online a Biblia | BARO A LUBONG A PATARUS TI NASANTUAN A KASURATAN

Salmo 107:1-43

(Dagiti Salmo 107 – 150) 107  O agyamankayo ken Jehova, ta isu naimbag;+ Ta ti naayat a kinamanangngaasina ket agingga iti tiempo a di nakedngan.+   Sawen koma a kasta dagidiay binawi ni Jehova,+ Isuda a binawina iti ima ti kabusor,+   Ken isuda nga inummongna a sangsangkamaysa manipud a mismo iti dagdaga,+ Manipud iti leleggakan ti init ken manipud iti lelennekan ti init,+ Manipud iti amianan ken manipud iti abagatan.+   Nagallaallada iti let-ang,+ iti desierto;+ Saanda a nakasarak iti aniaman a dalan nga agturong iti maysa a siudad a pagnaedan.+   Mabisinda idi, kasta met a nawawda;+ Ti mismo a kararuada iti unegda nangrugi a talipungawen.+   Ket nagik-ikkisda ken Jehova iti rigatda;+ Kadagiti pakarigatanda inispalna ida,+   Ket pinapagnana ida iti umiso a dalan,+ Tapno dumtengda iti maysa a siudad a pagnaedan.+   O dagiti tattao agyamanda koma ken Jehova gapu iti naayat a kinamanangngaasina+ Ken gapu iti nakaskasdaaw nga ar-aramidna iti annak ti tattao.+   Ta pinennekna ti namagmagan a kararua;+ Ket ti mabisin a kararua pinunnona iti naimbag a bambanag.+ 10  Adda idi dagidiay agnanaed iti kinalidem ken napuskol a kinasipnget,+ Balbalud iti rigat ken lanlandok.+ 11  Ta nagtignayda a sirerebelioso+ kadagiti sasao ti Dios;+ Ket ti pammatigmaan ti Kangatuan saanda a rinaem.+ 12  Gapuna babaen iti riribuk pinarukmana ti pusoda;+ Naitibkolda, ket awan asinoman a timmulong.+ 13  Ket rinugianda ti immasug ken Jehova iti tulong iti rigatda;+ Kadagiti pakarigatanda insalakanna ida kas iti gagangay.+ 14  Inruarna ida manipud kinalidem ken napuskol a kinasipnget,+ Ket pinugsatna uray dagiti galutda.+ 15  O dagiti tattao agyamanda koma ken Jehova gapu iti naayat a kinamanangngaasina+ Ken gapu iti nakaskasdaaw nga ar-aramidna iti annak ti tattao.+ 16  Ta dinadaelna dagiti ruangan a gambang,+ Ket pinutedna uray dagiti balunet a landok.+ 17  Dagidiay a maag idi, gapu iti dalan ti salungasingda+ Ken gapu kadagiti biddutda, iti kamaudiananna pinarigatda ti bagbagida.+ 18  Ti kararuada kinarimonna uray ti tunggal kita ti taraon,+ Ket dumdumtengda idi kadagiti ruangan ni patay.+ 19  Ket rinugianda ti immasug ken Jehova iti tulong iti rigatda;+ Kadagiti pakarigatanda insalakanna ida kas iti gagangay.+ 20  Imbaonna ti saona ket pinaimbagna ida+ Ket inlisina ida manipud kadagiti abutda.+ 21  O dagiti tattao agyamanda koma ken Jehova gapu iti naayat a kinamanangngaasina+ Ken gapu iti nakaskasdaaw nga ar-aramidna iti annak ti tattao.+ 22  Ket idatonda koma dagiti sakripisio ti panagyaman+ Ket ideklarada ti ar-aramidna buyogen ti narag-o nga ikkis.+ 23  Dagidiay sumalsalog a mapan iti baybay kadagiti barko,+ Nga agnegnegosio kadagiti nakadakdakkel a danum,+ 24  Isuda dagidiay nakakita iti ar-aramid ni Jehova+ Ken iti nakaskasdaaw nga ar-aramidna kadagiti kaadalman;+ 25  No kasano a sawenna ti sao ken mangpataud iti nadawel unay nga angin,+ Iti kasta ingatona dagiti dalluyonna.+ 26  Agpangatoda agingga iti langlangit, Bumabada agingga kadagiti lansad. Gapu iti didigra masarakan ti mismo a kararuada a malunlunag.+ 27  Agibar-ibar ken agdiwengdiwengda a kas iti maysa a nabartek a tao,+ Ket uray ti isuamin a siribda mapaneknekan a nakiro.+ 28  Ket mangrugida nga umkis ken Jehova iti rigatda,+ Ket manipud kadagiti pakarigatanda iruarna ida.+ 29  Ti allawig pagtalinaayenna,+ Iti kasta agulimek dagiti dalluyon ti baybay.+ 30  Ket agrag-oda agsipud ta dagitoy agtalnada, Ket iturongna ida iti sasangladan a pakaragsakanda.+ 31  O dagiti tattao agyamanda koma ken Jehova gapu iti naayat a kinamanangngaasina+ Ken gapu iti nakaskasdaaw nga ar-aramidna iti annak ti tattao.+ 32  Ket isu idayawda koma iti kongregasion dagiti umili;+ Ket iti tugaw dagiti lallakay isu idaydayawda koma.+ 33  Dagiti karayan pagbalinenna a let-ang,+ Ket dagiti burayokan ti danum pagbalinenna a mawaw a daga,+ 34  Ti nabunga a daga pagbalinenna nga asin a pagilian,+ Gapu iti kinadakes dagidiay agnanaed iti dayta. 35  Ti let-ang pagbalinenna a naruno a ban-aw ti danum,+ Ket ti daga ti awanan danum a rehion pagbalinenna a burburayokan ti danum.+ 36  Ket sadiay pagnaedenna dagidiay mabisin,+ Iti kasta ipasdekda a sititibker ti maysa a siudad a pagnaedan.+ 37  Ket mulaanda dagiti tay-ak ken agmulada kadagiti kaubasan,+ Tapno mangipaayda koma kadagiti nabunga nga apit.+ 38  Ket bendisionanna ida tapno umaduda unay;+ Ket saanna a bay-an a bumassit ti an-animalda.+ 39  Manen bumassitda ket kumlebda+ Maigapu iti pannakamedmed, didigra ken ladingit.+ 40  Mangiparukpok iti pannakaumsi kadagiti natan-ok,+ Iti kasta pagallaallaenna ida iti awan buyana a lugar, a sadiay awan ti dalan.+ 41  Ngem salaknibanna daydiay napanglaw manipud rigat+ Ket isu pagbalinenna a pampamilia a kas iti maysa nga arban.+ 42  Dagidiay napalungdo makitada ket agrag-oda;+ Ngem no maipapan iti isuamin a kinakillo, kasapulan nga ikaemna ti ngiwatna.+ 43  Siasino ti masirib? Agpadpada a salimetmetannanto dagitoy a banag+ Ket ipakitana a sipapaliiw kadagiti aramid ti naayat a kinamanangngaasi ni Jehova.+

Footnotes