Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

Online a Biblia | BARO A LUBONG A PATARUS TI NASANTUAN A KASURATAN

Salmo 106:1-48

106  Idaydayawyo ni Jah!+ Agyamankayo ken Jehova, ta isu naimbag;+ Ta ti naayat a kinamanangngaasina ket agingga iti tiempo a di nakedngan.+   Siasino ti makayebkas kadagiti mannakabalin a gapuanan ni Jehova,+ Wenno makaipangngeg iti isuamin a pakaidaydayawanna?+   Naragsak dagidiay mangsalsalimetmet iti hustisia,+ Mangar-aramid iti kinalinteg iti isuamin a tiempo.+   Lagipennak, O Jehova, babaen iti naimbag a nakem a maipaay iti ilim.+ Aywanannak babaen iti panangisalakanmo,+   Tapno makitak ti kinaimbag kadagidiay pinilim,+ Tapno makapagrag-oak iti panagrag-o ti nasionmo,+ Tapno makapagpasindayagak iti tawidmo.+   Nagbasolkami a kas met laeng kadagidi ammami;+ Nakaaramidkami iti dakes; nagtignaykami a sidadangkes.+   No maipapan kadagidi ammami idiay Egipto, Saanda a nangipakita iti aniaman a pannakatarus iti nakaskasdaaw nga ar-aramidmo.+ Saanda a linagip ti kinaruay ti naindaklan a naayat a kinamanangngaasim,+ No di ket nagtignayda a sirerebelioso idiay baybay, iti igid ti Nalabaga a Baybay.+   Ket insalakanna ida maipagapu iti naganna,+ Tapno maipakaammona ti kinamannakabalinna.+   Gapuna binabalawna ti Nalabaga a Baybay, ket in-inut a nagmaga dayta;+ Ket pinapagnana ida a lumasat iti nadanum a yuyeng kas ti ilalasat iti let-ang;+ 10  Ket iti kasta insalakanna ida iti ima ti mananggura+ Ket binawina ida iti ima ti kabusor.+ 11  Ket ti dandanum inabbonganda dagiti kalabanda;+ Awan maysa kadakuada ti natedda.+ 12  Idin naaddaanda iti pammati iti saona;+ Rinugianda a kantaen ti pannakaidaydayawna.+ 13  Sidadaras a nalipatanda ti ar-aramidna;+ Saanda nga inuray ti pammatigmaanna.+ 14  Ngem impakitada ti managimbubukodan a tarigagayda idiay let-ang+ Ket ti Dios inkabilda iti pannakasubok idiay desierto.+ 15  Ket intedna kadakuada ti kiddawda+ Ket nangibaon iti mangrarit a sagubanit iti kararuada.+ 16  Ket rinugianda nga apalan ni Moises iti pakarso,+ Uray ni Aaron a santo ni Jehova.+ 17  Ti daga ngarud nagnganga ket inalun-onna ni Datan,+ Ken ginaburanna ti ummong ni Abiram.+ 18  Ket ti apuy simged iti tengnga ti ummongda;+ Ti met laeng gil-ayab inalun-onna dagidiay nadangkes.+ 19  Kanayonanna pay, nangaramidda iti kigaw a baka idiay Horeb+ Ket nagruknoyda iti sinukog a ladawan,+ 20  Iti kasta ti dayagko insukatda+ Iti ladawan ti toro, maysa a managkaan iti mulmula.+ 21  Linipatda ti Dios a Manangisalakanda,+ Ti Managaramid iti naindaklan a bambanag idiay Egipto,+ 22  Nakaskasdaaw nga ar-aramid iti daga ni Ham,+ Nakaam-amak a bambanag idiay Nalabaga a Baybay.+ 23  Sawenna koma idin a talipuposenna ida,+ No saan a gapu ken Moises a pinilina, A nagtakder iti giwang iti sanguananna,+ Tapno pagbaw-ingenna ti pungtotna manipud panangdadael+ kadakuada. 24  Ket kinarimonda ti makaay-ayo a daga;+ Awananda iti pammati iti saona.+ 25  Ket nagdaydayengdengda kadagiti toldada;+ Saanda nga immimdeng iti timek ni Jehova.+ 26  Gapuna intag-ayna ti imana iti maysa a sapata maipapan kadakuada,+ Nga ipasagna ida idiay let-ang,+ 27  Ken ipasagna ti putotda kadagiti nasion,+ Ken iwarawarana ida iti dagdaga.+ 28  Ket rinugianda ti makisinggalut ken Baal ti Peor+ Ken mangan kadagiti sakripisio kadagidiay natay.+ 29  Bayat a mangpatpataudda idi iti panagrurod babaen kadagiti pannakilangenda,+ Maysa a pannaplit ti timpuar ita iti tengngada.+ 30  Idi timmakder ni Finehas ket bimiang,+ Iti kasta napagsardeng ti pannaplit. 31  Ket naibilang dayta kenkuana kas kinalinteg Iti kinapkaputotan agingga iti tiempo a di nakedngan.+ 32  Kanayonanna, nangpataudda iti panagpungtot idiay dandanum ti Meriba,+ Iti kasta nagbanag dayta iti dakes ken Moises maigapu kadakuada.+ 33  Ta pinagpungtotda ti espirituna Ket isu nangrugi nga agsao a sidadarasudos babaen kadagiti bibigna.+ 34  Saanda a tinalipupos dagiti ili,+ Kas kinuna kadakuada ni Jehova.+ 35  Ket nakilalaokda kadagiti nasion+ Ken sinursuroda dagiti aramidda.+ 36  Ket nagserserbida kadagiti idoloda,+ Ket dagitoy nagbalin a silo kadakuada.+ 37  Ket isakripisioda ti annakda a lallaki+ Ken ti annakda a babbai kadagiti sairo.+ 38  Gapuna nagibuybuyatda iti awanan basol a dara,+ Ti dara ti annakda a lallaki ken ti annakda a babbai, Isuda nga insakripisioda kadagiti idolo ti Canaan;+ Ket ti daga narugitan iti panagibukbok iti dara.+ 39  Ket narugitanda babaen kadagiti aramidda+ Ket nagtultuloyda a naaddaan iti imoral a pannakidenna babaen kadagiti pannakilangenda.+ 40  Ket nangrugi a gumil-ayab ti unget ni Jehova iti ilina,+ Ket kinarimonna ti tawidna.+ 41  Ket maulit-ulit nga inyawatna ida iti ima dagiti nasion,+ Tapno iturayan ida dagidiay manggurgura kadakuada,+ 42  Ken tapno irurumen ida dagiti kabusorda, Ken tapno maparukmada iti sidong ti imada.+ 43  Adu a daras nga ispalenna ida,+ Ngem isuda agtignayda a sirerebelioso iti nasukir a kursoda,+ Ket maipababada gapu iti biddutda.+ 44  Ket makitana ti rigatda+ Idi nangngegna ti agpakpakaasi nga ikkisda.+ 45  Ket lagipenna maipapan kadakuada ti tulagna,+ Ket agladingit maitunos iti kinaruay ti naindaklan a naayat a kinamanangngaasina.+ 46  Ket ipalubosna nga agbalinda a makaasian Iti sanguanan dagidiay amin a mangik-ikut kadakuada kas kautibo.+ 47  Isalakannakami, O Jehova a Diosmi,+ Ket ummongennakami a sangsangkamaysa manipud kadagiti nasion+ Tapno agyamankami iti nasantuan a naganmo,+ Tapno agsaokami a sirarag-o iti pakaidaydayawam.+ 48  Bendito koma ni Jehova a Dios ti Israel+ Manipud tiempo a di nakedngan agingga a mismo iti tiempo a di nakedngan; Ket amin dagiti umili masapul a sawenda ti Amen.+ Idaydayawyo ni Jah!+

Footnotes