Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

Online a Biblia | BARO A LUBONG A PATARUS TI NASANTUAN A KASURATAN

Salmo 104:1-35

104  Bendituem ni Jehova, O kararuak.+O Jehova a Diosko, napaneknekanka a naindaklan unay.+Iti dayaw ken kinangayed kinawesam ta bagim,+   A binalkutmo ti bagim iti lawag a kas iti maysa a kawes,+Nga inunnatmo ti langlangit a kasla maysa a lupot ti tolda,+   Daydiay nga iti mismo a dandanum nangibangon kadagiti makinngato a siledna a naikkan kadagiti awanan,+A nangaramid kadagiti ulep a karuahena,+A nagna iti rabaw dagiti payak ti angin,+   A namagbalin kadagiti anghelna nga espiritu,+Kadagiti ministrona a maysa a mangalun-on nga apuy.+   Imbangonna ti daga kadagiti naipasdek a dissona;+Saanto a mapagdiwengdiweng dayta agingga iti tiempo a di nakedngan, wenno iti agnanayon.+   Iti nadanum a yuyeng a kas iti maysa a kawes inabbongam dayta.+Ti dandanum agtaktakderda idi iti ngatuen ti mismo a bambantay.+   Iti pammabalawmo nangrugida a pumanaw;+Iti uni ti gurruodmo napagtatarayda a silalagaw—   Dagiti bantay nagpangatoda,+Dagiti ginget a tanap bimmabada—Agingga iti lugar nga imbangonmo maipaay kadakuada.   Maysa a beddeng impasdekmo, nga iti labes dayta saan a rumbeng a lumasatda,+Tapno saanda nga abbongan manen ti daga.+ 10  Isu mangibaon kadagiti ubbog nga agturong kadagiti naapres a ginget;+Iti baet dagiti bantay agtultuloyda a mapan. 11  Agtultuloyda a mangted iti inumen kadagiti amin nga atap nga animal iti nawayang a tay-ak;+Dagiti sebra+ kankanayon a pedpedenda ti wawda. 12  Iti ngatuenda agapon dagiti agtaytayab a parsua iti langlangit;+Manipud nagtetengngaan ti nasamek a bulbulong agyes-esngawda iti uni.+ 13  Sibuganna dagiti bantay manipud kadagiti makinngato a siledna.+Babaen iti bunga ti ar-aramidmo mapnek ti daga.+ 14  Pagtubuenna dagiti berde a ruot maipaay kadagiti animal,+Ken mulmula nga usaren ti sangatauan,+Tapno mangparnuay iti taraon manipud iti daga,+ 15  Ken arak a mamagrag-o iti puso ti mortal a tao,+Tapno pagsilnagenna ti rupa babaen iti lana,+Ken tinapay a mangsustento iti mismo a puso ti mortal a tao.+ 16  Dagiti kayo ni Jehova mapnekda,Dagiti sedro ti Libano nga immulana,+ 17  A pagaramidan dagiti mismo a tumatayab kadagiti umok.+No maipapan iti tikbaboy, dagiti kayo a parwa ti balayna.+ 18  Dagiti nangato a bantay+ agpaayda kadagiti kalding iti bantay;+Dagiti napasdok a bato ket kamang nga agpaay kadagiti koneho iti kabatuan.+ 19  Inaramidna ti bulan maipaay kadagiti naituding a tiempo;+Ti met laeng init ammona unay ti lumnekanna.+ 20  Nangparnuayka iti sipnget, tapno agbalin dayta a rabii;+Iti dayta agsawar dagiti amin nga atap nga animal iti bakir. 21  Dagiti burboran a bumaro a leon ngerngerngeranda ti aanupen+Ken iti panangsapul iti taraonda manipud iti Dios a mismo.+ 22  Ti init mangrugi nga agsilnag+—agpapanawdaKet agiddada kadagiti bukodda a paglemmengan a lugar. 23  Ti tao mapan iti aramidna+Ken iti panagserbina agingga iti rabii.+ 24  Anian a nagadu ti aramidmo, O Jehova!+Isuda amin inaramidmo buyogen ti kinasirib.+Ti daga napno kadagiti pinataudmo.+ 25  No maipapan iti daytoy baybay a dakkel ken nalawa unay,+Sadiay adda aggargaraw a bambanag nga awanan bilang,+Sibibiag a parparsua, babassit kasta met ti dadakkel.+ 26  Sadiay mapan dagiti barko;+No maipapan iti Leviatan,+ binukelmo tapno agay-ayam iti dayta.+ 27  Isuda amin—agur-urayda kenka+Tapno itdem kadakuada ti taraonda iti panawenna.+ 28  No ania ti itdem kadakuada ummongenda.+Ukradem ta imam—mapnekda iti naimbag a bambanag.+ 29  No ilingedmo ta rupam, mariribukda.+No ikkatem ti espirituda, mauyos ti biagda,+Ket agsublida iti tapokda.+ 30  No ibaonmo ti espiritum, maparsuada;+Ket pabaruem ti rupa ti daga. 31  Ti dayag ni Jehova agingganto iti tiempo a di nakedngan.+Ni Jehova agrag-onto iti ar-aramidna.+ 32  Isu kumita iti daga, ket agpigerger dayta;+Sagidenna dagiti bantay, ket agasukda.+ 33  Kantaakto ni Jehova iti intero a panagbiagko;+Mangipaayakto iti samiweng iti Diosko bayat nga addaak.+ 34  Ti panangut-utobko maipapan kenkuana makaparagsak koma.+Siak, iti biangko, agrag-oakto ken Jehova.+ 35  Dagiti managbasol maikisapto iti daga;+Ket no maipapan kadagiti nadangkes, awandanton.+Bendituem ni Jehova, O kararuak. Idaydayawyo ni Jah!+

Footnotes