Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

Online a Biblia | BARO A LUBONG A PATARUS TI NASANTUAN A KASURATAN

Salmo 102:1-28

Kararag ti naparigatan no kas pagarigan isu kumapsut ket ibukbokna ti pakaseknanna iti sanguanan a mismo ni Jehova.+ 102  O Jehova, denggem ti kararagko;+Ket dumanon koma kenka ti bukodko a panagpatulong.+   Dika ilinged ta rupam manipud kaniak iti aldaw a panagpasarko kadagiti nakaro a pakarigatan.+Iyallingagmo kaniak ta lapayagmo;+Iti aldaw nga iyaawagko, darasem, sungbatannak.+   Ta dagiti aldawko nagngudoda a kas iti asuk,+Ket dagiti mismo a tulangko bumegbeggang a kas iti pugon.+   Ti pusok nakabil a kas iti mulmula ket magango,+Ta nalipatak a kanen ti taraonko.+   Gapu iti uni ti panagsennaayko+Dagiti tulangko dimketda iti lasagko.+   Umarngiak iti mangngaput ti let-ang.+Nagbalinak a kas iti puek kadagiti langalang a disso.   Pimmairak,Ket agbalinak a kas iti tumatayab a naiputputong iti rabaw ti atep.+   Iti intero nga agmalem inumsidak dagiti kabusorko.+Dagidiay agar-aramid kaniak iti kinamaag nagsapatada uray pay babaen kaniak.+   Ta nanganak iti mismo a dapdapo a kas iti tinapay;+Ket ti bambanag nga inumek linaokak uray pay iti panagsangit,+ 10  Gapu iti panangkondenarmo ken iti rurodmo;+Ta binagkatnak, tapno maipuruaknak.+ 11  Dagiti aldawko kasla iti anniniwan a nagpukaw,+Ket siak magangoak a kas iti mulmula laeng.+ 12  No maipapan kenka, O Jehova, agingga iti tiempo a di nakedngan agnaedkanto,+Ket ti pakalaglagipam maipaayto iti kinapkaputotan.+ 13  Sika tumakderkanto, kaasiamto ti Sion,+Ta panawenen ti panangparabur kenkuana,Ta dimtengen ti naituding a tiempo.+ 14  Ta dagiti adipenmo nakasarakda iti ragsak kadagiti batona,+Ket iti tapokna iturongda ti paborda.+ 15  Ket dagiti nasion pagbutngandanto ti nagan ni Jehova,+Ken amin nga ar-ari iti daga, ti dayagmo.+ 16  Ta ni Jehova sigurado a bangonennanto ti Sion;+Isu agparangto iti dayagna.+ 17  Sigurado a bumaw-ingto iti kararag dagidiay nauksoban iti isuamin,+Ket saanna nga umsien ti kararagda.+ 18  Maisurat daytoy maipaay iti masanguanan a kaputotan;+Ket ti ili a maparsua idaydayawnanto ni Jah.+ 19  Ta timmannawag manipud nasantuan a kangatuanna,+Manipud iti mismo a langlangit, ni met laeng Jehova kimmita uray pay iti daga,+ 20  Tapno denggenna ti panagsennaay ti balud,+Tapno warwaranna dagidiay naituding ken patay;+ 21  Tapno ti nagan ni Jehova maideklara idiay Sion+Ken ti pakaidaydayawanna idiay Jerusalem,+ 22  Inton dagiti ili maummongda amin a sangsangkamaysa,+Ken dagiti pagarian tapno agserbida ken Jehova.+ 23  Iti dalan pinarigatna ti bilegko,+Pinaababana dagiti aldawko.+ 24  Kinunak: “O Diosko,Saannak nga ikkaten iti kagudua dagiti aldawko;+Dagiti tawenmo aginggada kadagiti amin a kaputotan.+ 25  Iti nabayagen a tiempo insaadmo dagiti pamuon ti mismo a daga,+Ket ti langlangit isuda ti aramid dagita imam.+ 26  Isuda mapukawdanto, ngem sika agtalinaedkanto;+Ket kas iti maysa a kawes isuda amin marunotdanto.+Kas iti pagan-anay sukatamto ida, ket turposendanto ti batangda.+ 27  Ngem kastaka met laeng, ket saanto a maturpos dagiti bukodmo a tawen.+ 28  Agtultuloyto nga agtaeng ti annak ti ad-adipenmo;+Ket iti sanguanam maipasdekto a sititibker ti bukodda a kaputotan.”+

Footnotes