Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Ruth 4:1-22

4  No maipapan ken Boaz, simmang-at a napan iti ruangan+ ket nagtugaw sadiay. Ket, adtoy! lumablabas idi ti manangsaka, a dinakamat ni Boaz.+ Idin kinunana: “Umayka, agtugawka ditoy, Kastoy-a-Kua.” Gapuna immay ket nagtugaw.  Kalpasan dayta isu nangala iti sangapulo a lallaki kadagiti lallakay+ ti siudad ket kinunana: “Agtugawkayo ditoy.” Gapuna nagtugawda.  Kinunana ita iti manangsaka:+ “Ti benneg ti talon a kukua ni kabsattayo nga Elimelec+ masapul nga ilako ni Noemi, a nagsublin manipud talon ti Moab.+  No maipapan kaniak, pagarupek a rebbeng nga ibutaktakko kenka, a kunaek, ‘Gatangem dayta+ iti sanguanan dagiti agnanaed ken ti lallakay dagiti kailiak.+ No sakaemto, sakaem; ngem no saanmonto a sakaen, ibagam kaniak, tapno maammuak, ta awan sabalin no di sika ti mangsaka,+ ket siak ti sumaruno kenka.’” Iti kasta kinunana: “Siakto ti mangsaka.”+  Idin kinuna ni Boaz: “Iti aldaw a pananggatangmo iti talon manipud ima ni Noemi, manipud met ken Ruth a Moabita, ti asawa ti natay a tao, a masapul a gatangem dayta tapno ti nagan ti natay a tao maibangon iti tawidna.”+  Iti daytoy kinuna ti manangsaka: “Diak kabaelan a sakaen dayta maipaay kaniak, ta amangan no madadaelko ti bukodko a tawid. Sakaem dayta maipaay kenka babaen ti kalintegak a mangsaka, gapu ta saanko a kabaelan nga aramiden ti panangsaka.”  Ita daytoy idi ti kaugalian kadagidi nagkauna a tiempo iti Israel maipapan iti kalintegan a mangsaka ken maipapan iti panagsinnukat, tapno patalgedan ti amin a kita ti banag: Kasapulan nga uksoten ti maysa a lalaki ti pallokana+ ket itedna iti padana a tao, ket daytoy idi ti pammatalged iti Israel.  Gapuna idi a ti manangsaka kinunana ken Boaz: “Gatangem dayta maipaay kenka,” inuksotna ti pallokana.+  Kalpasanna kinuna ni Boaz iti lallakay ken kadagiti amin nga umili: “Dakayo ti makasaksi+ ita nga aldaw a gatangek amin a kukua ni Elimelec ken amin a kukua da Kilion ken Malon manipud iti ima ni Noemi. 10  Ken kasta met ni Ruth a Moabita, ti asawa ni Malon, gatangek a maipaay kaniak kas asawa tapno ti nagan ti natay a tao+ maibangon iti tawidna ken tapno ti nagan ti natay a tao saan a magessat iti tengnga ti kakabsatna ken iti ruangan ti dissona. Dakayo dagiti saksi ita nga aldaw.”+ 11  Gapu itoy kinuna dagiti amin nga umili nga adda idi iti ruangan ken dagiti lallakay: “Saksikami! Ipalubos koma ni Jehova a ti asawa a babai a sumrek iti balaymo agbalin a kas ken Raquel+ ken kas ken Lea,+ nga agpadpada a nangbangon iti balay ti Israel;+ ket paneknekam ti pategmo iti Efrata+ ken mangaramidka iti agdindinamag a nagan iti Betlehem.+ 12  Ket ti balaymo agbalin koma a kas iti balay ni Perez, nga impasngay ni Tamar ken Juda,+ manipud iti putot nga itedto kenka ni Jehova nga aggapu iti daytoy nga agtutubo a babai.”+ 13  Iti kasta ni Boaz innalana ni Ruth ket nagbalin nga asawana ket nakidenna kenkuana. Gapuna impalubos ni Jehova ti panaginawna+ ket nangipasngay iti anak a lalaki. 14  Ket dagiti babbai rinugianda a kunaen+ ken Noemi: “Bendito koma ni Jehova,+ a saanna a binaybay-an a maawanan iti manangsaka maipaay kenka ita nga aldaw; tapno maiwaragawag ti naganna iti Israel. 15  Ket isu nagbalin a manangisubli iti kararuam ken maysa a mangtaraon iti kinabaketmo,+ agsipud ta ti manugangmo a mangay-ayat kenka,+ a nasaysayaat kenka ngem iti pito nga annak a lallaki,+ nangipasngay kenkuana.” 16  Ket innala ni Noemi ti ubing ket inkabilna iti saklotna, ket isu nagbalin a manangtagibina. 17  Kalpasanna pinanaganan dagiti kaarruba+ a babbai, a kunkunada: “Nayanak ken Noemi ti maysa nga anak a lalaki.” Ket rinugianda a panaganan iti Obed.+ Isu ti ama ni Jesse,+ ama ni David. 18  Ita dagitoy ti kapkaputotan ni Perez:+ Ni Perez isu ti ama ni Hezron;+ 19  ket ni Hezron isu ti ama ni Ram; ket ni Ram+ isu ti ama ni Aminadab; 20  ket ni Aminadab+ isu ti ama ni Naason;+ ket ni Naason isu ti ama ni Salmon; 21  ket ni Salmon+ isu ti ama ni Boaz; ket ni Boaz+ isu ti ama ni Obed; 22  ket ni Obed isu ti ama ni Jesse;+ ket ni Jesse isu ti ama ni David.+

Footnotes