Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Ruth 2:1-23

2  Ita addaan ni Noemi iti kabagian+ ni asawana, maysa a lalaki a mannakabalin iti kinabaknang,+ iti pamilia ni Elimelec, ket ti naganna Boaz.+  Idi agangay ni Ruth a Moabita kinunana ken Noemi: “Bay-annak a mapan, pangngaasim, iti talon ket agadasak+ iti tengnga ti dawa ti binukel a sumarunoak iti siasinoman a kadagiti matana makasarakak iti pabor.” Gapuna kinunana kenkuana: “Mapanka, anakko.”  Iti kasta napan ket immay ket rinugianna ti agadas iti talon iti likudan dagiti agan-ani.+ Ngarud naiparna a nakadap-aw iti benneg ti talon a kukua ni Boaz,+ a kameng ti pamilia ni Elimelec.+  Ket, adtoy! dimteng ni Boaz manipud Betlehem ket kinunana kadagiti agan-ani: “Adda koma kadakayo ni Jehova.”+ Kunada kenkuana kalpasanna: “Bendisionannaka ni Jehova.”+  Kalpasanna kinuna ni Boaz+ iti agtutubo a lalaki a naisaad nga agaywan kadagiti agan-ani: “Siasino ti makimbalasang iti daytoy?”  Gapuna simmungbat ti agtutubo a lalaki a naisaad nga agaywan kadagiti agan-ani ket kinunana: “Ti balasang maysa a Moabita,+ a nakipagsubli ken Noemi manipud talon ti Moab.+  Idin kinunana, ‘Bay-annak nga agadas,+ pangngaasim, ket pudno unay nga agummongakto iti tengnga dagiti nagapas a dawa ti binukel iti likudan dagiti agan-ani.’ Gapuna isu immay ket nagtultuloy a nagadas manipud iti dayta a tiempo iti bigat agingga iti panagtugawna ita laeng iti balay iti apagbiit a kanito.”+  Idi agangay ni Boaz kinunana ken Ruth: “Nangngegmo, saan kadi, anakko? Dika mapan agadas iti sabali a talon,+ ket dika met bumallasiw manipud itoy a lugar, ket iti kasta agyanka iti asideg dagiti agtutubok a babbai.+  Dagiti matam addada koma iti talon nga aniendanto, ket makikuyogka kadakuada. Saan kadi a binilinko dagiti agtutubo a lallaki a saandaka a sagiden?+ No mawawka, mapanka met kadagiti basehas ket uminumka iti sakduento dagiti agtutubo a lallaki.”+ 10  Iti kasta inruknoyna ti rupana ket nagrukob agingga iti daga+ ket kinunana kenkuana: “Kasano a nakasarakak iti pabor kadagita matam iti kasta impaayannak iti asikaso, idinto ta ganggannaetak?”+ 11  Idin simmungbat ni Boaz ket kinunana kenkuana: “Naan-anay a naipadamag+ kaniak maipapan iti isuamin nga inaramidmo iti katugangam kalpasan ti ipapatay ti asawam,+ ken no kasano a pinanawam ni amam ken ni inam ken ti daga dagiti kabagiam ket napanka iti ili a sigud a saanmo nga am-ammo.+ 12  Gunggonaan koma ni Jehova ti wagas a panagtignaymo,+ ket adda koma naan-anay a tangdan+ nga agpaay kenka manipud ken Jehova a Dios ti Israel, nga iti sidong dagiti payakna immayka nagkamang.”+ 13  Iti daytoy kinunana: “Makasarakak koma iti pabor kadagita matam, apok, agsipud ta liniwliwanak ken agsipud ta nagsaoka nga addaan panangipanamnama iti adipenmo a babai,+ nupay siak saanak a kas iti maysa kadagiti adipenmo a babbai.”+ 14  Ket kinuna kenkuana ni Boaz iti oras ti pannangan: “Umasidegka ditoy, ket masapul a manganka iti tinapay+ ket isawsawmo ti sangkapisi a tinapaymo iti suka.” Gapuna isu nagtugaw iti abay dagiti agan-ani, ket iyawatanna iti kinirog a bukel+ ket isu mangan, iti kasta napnek ket adda pay nateddana. 15  Kalpasanna isu timmakder tapno agadas.+ Binilin ita ni Boaz dagiti agtutubona a lallaki, a kunkunana: “Bay-anyo nga agadas met iti tengnga dagiti nagapas a dawa ti binukel, ket dikay semsemen.+ 16  Ket siguraduenyo met ti manguyos iti sumagmamano manipud kadagiti nareppet a dawa maipaay kenkuana, ket ibatiyonto ida tapno maadasna,+ ket dikay babalawen.” 17  Ket nagtultuloy nga agadas iti talon agingga iti rabii,+ a kalpasan dayta imbatbatna+ ti naadasna, ket naganay a maysa nga efa+ a sebada. 18  Kalpasanna innalana ket simrek iti siudad, ket nakita ti katuganganna ti naadasna. Kalpasan dayta inruarna ti taraon a nateddana+ idi a napneken ket intedna kenkuana. 19  Kinuna ita kenkuana ti katuganganna: “Sadino ti nagadasam ita nga aldaw, ket sadino ti nagtrabahuam? Bendito koma daydiay nangipaay iti asikaso kenka.”+ Gapuna imbagana iti katuganganna no siasino ti nakipagtrabahuanna; ket kinunana: “Ti nagan ti lalaki a nakipagtrabahuak ita ket Boaz.” 20  Iti kasta kinuna ni Noemi iti manugangna: “Isu bendituen koma ni Jehova,+ a saanna nga inidian ti naayat a kinamanangngaasina+ iti sibibiag ken iti natay.”+ Ket intultuloy a kinuna kenkuana ni Noemi: “Kabagiantayo ti lalaki.+ Maysa kadagiti manangsakatayo.”+ 21  Idin kinuna ni Ruth a Moabita: “Kinunana met kaniak, ‘Iti asideg dagiti agtutubo a kukuak ti pagtalinaedam agingga a malpasda ti intero a panaganik.’”+ 22  Gapuna ni Noemi+ kinunana ken Ruth a manugangna:+ “Nasaysayaat, anakko, a makipagruarka kadagiti agtutubona a babbai, tapno saandaka a riribuken iti sabali a talon.”+ 23  Ket nagtultuloy nga agyan iti asideg dagiti agtutubo a babbai ni Boaz tapno agadas agingga a nagngudo ti panagani iti sebada+ ken ti panagani iti trigo. Ket nagtultuloy a nakipagnaed iti katuganganna.+

Footnotes