Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

Online a Biblia | BARO A LUBONG A PATARUS TI NASANTUAN A KASURATAN

Ruth 1:1-22

1  Ita naaramid kadagidi aldaw a dagiti ukom+ nangipakatda iti hustisia a ti nakaro a bisin+ timmaud iti daga, ket ti maysa a lalaki napan manipud Betlehem+ idiay Juda tapno agtaeng kas ganggannaet kadagiti talon ti Moab,+ isu agraman asawana ken dua nga annakna a lallaki.  Ket ti nagan ti lalaki Elimelec, ket ti nagan ti asawana Noemi, ket ti nagnagan ti dua nga annakna Malon ken Kilion, Efrateo dagitoy+ manipud Betlehem idiay Juda. Iti kamaudiananna dimtengda kadagiti talon ti Moab ket nagtalinaedda sadiay.  Idi agangay natay ni Elimelec nga asawa ni Noemi, iti kasta nabati a kadua ti dua nga annakna.  Kalpasanna nangala dagiti lallaki iti assawa a maipaay iti bagbagida, Moabita a babbai.+ Ti nagan ti maysa Orpa, ket ti nagan ti sabali Ruth.+ Ket nagnaedda sadiay iti agarup sangapulo a tawen.  Idi agangay isuda a dua, da Malon ken Kilion, natayda met, iti kasta nabati ti babai nga awanen ti dua nga annakna ken ti asawana.  Ket isu timmakder agraman dagiti manugangna ket nagsublida manipud kadagiti talon ti Moab, ta nangngegna idiay talon ti Moab nga inturong ni Jehova ti asikasona iti ilina+ babaen ti panangtedna kadakuada iti tinapay.+  Ket pimmanaw iti lugar a nagtalinaedanna,+ ket kaduana nga agpadpada dagiti manugangna, ket intultuloyda ti nagna iti dalan nga agsubli iti daga ti Juda.  Kamaudiananna ni Noemi kinunana nga agpadpada kadagiti manugangna: “Inkayo, agsublikayo, tunggal maysa iti balay ni inana. Watwaten koma ni Jehova ti naayat a kinamanangngaasi maipaay kadakayo,+ kas iti panangwatwatyo iti dayta maipaay kadagiti natayen a lallaki ken kaniak.+  Sagutannakayo koma ni Jehova,+ ket makasarakkayo iti lugar a paginanaan+ tunggal maysa iti balay ti asawana.” Kalpasanna inagkanna+ ida, ket rinugianda nga ipigsa dagiti timekda ket nagsangitda. 10  Ket kinunkunada kenkuana: “Saan, no di ket kaduanakamto nga agsubli kadagiti kailiam.”+ 11  Ngem kinuna ni Noemi: “Agsublikayo, annakko. Apay koma a kumuyogkayo kaniak? Addaanak pay laeng kadi iti annak iti makin-uneg a paspasetko, ket agbalindanto kadi nga assawayo?+ 12  Agsublikayo, annakko, mapankayon, ta baketak unayen nga agbalin a kukua ti maysa nga asawa. No kinunak nga addaanak met iti namnama a sigurado nga agbalinak a kukua ti maysa nga asawa ita a rabii ket sigurado met a mangipasngayak iti annak,+ 13  itultuloyyo kadi nga urayen ida agingga a dumakkelda? Itultuloyyo kadi nga iputong ti bagbagiyo maipaay kadakuada tapno saankayo nga agbalin a kukua ti maysa nga asawa? Saan, annakko, ta napait unay kaniak gapu kadakayo, a ti ima ni Jehova rimmuar maibusor kaniak.”+ 14  Iti kasta impigsada dagiti timekda ket ad-adda pay a nagsangitda, a kalpasan dayta inagkan ni Orpa ti katuganganna. No maipapan ken Ruth, kimpet kenkuana.+ 15  Gapuna kinunana: “Adtoy! Ti nabalo nga abiratmo nagsublin kadagiti kailianna ken kadagiti diosna.+ Makipagsublika iti nabalo nga abiratmo.”+ 16  Ket kinuna ni Ruth: “Dika ipakaasi kaniak a baybay-anka, nga agsubliak manipud ikukuyog kenka; ta no sadino ti papanam mapanakto, ket no sadino ti pangbusbosam iti rabii busbosekto ti rabii.+ Dagiti kailiam isudanto dagiti kailiak,+ ket ti Diosmo Diosko.+ 17  No sadino ti pakatayam pakatayakto,+ ket sadiay ti pakaitabonakto. Kasta koma ti aramiden kaniak ni Jehova ken inayonna+ iti dayta no adda aniaman a banag malaksid ken patay a mamagsina kadata.” 18  Idi nakitana nga isu napinget a kumuyog kenkuana,+ ngarud insardengna ti nagsao kenkuana. 19  Ket nagtultuloyda a dua iti dalanda agingga a dimtengda iti Betlehem.+ Ket naaramid nga apaman a nakagtengda iti Betlehem, nakibur ti intero a siudad gapu kadakuada,+ ket kinunkuna dagiti babbai: “Isu kadi daytoy ni Noemi?”+ 20  Ket kunana kadagiti babbai: “Saandak nga awagan iti Noemi. Awagandak iti Mara, ta ti Mannakabalin-amin+ pinagbalinna a napait unay kaniak.+ 21  Napanak idi a sipupunno,+ ket ima-ima a pinagsublinak ni Jehova.+ Apay koma nga awagandak iti Noemi, idinto ta ni Jehova ti nangipababa kaniak+ ket ti Mannakabalin-amin ti nangpataud iti didigra kaniak?”+ 22  Ngarud nagsubli ni Noemi, a ni Ruth a Moabita, ti manugangna, kaduana idi nagsubli manipud kadagiti talon ti Moab;+ ket dimtengda iti Betlehem+ idi panangrugi ti panagani iti sebada.+

Footnotes