Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Roma 9:1-33

9  Ibagbagak ti kinapudno+ iti Kristo; saanak nga agul-ulbod,+ yantangay ti konsiensiak makipagsaksi kaniak buyogen ti nasantuan nga espiritu,  nga addaanak iti dakkel a ladingit ken di agressat nga ut-ot iti pusok.+  Ta mabalinko a tarigagayan a naisinaak koma a mismo kas daydiay nailunod manipud iti Kristo maigapu iti kakabsatko,+ dagiti kabagiak sigun iti lasag,+  isuda nga, idinto a kastada, Israelita,+ a pagpaayan ti pannakaampon kas annak+ ken ti dayag+ ken dagiti tulag+ ken ti pannakaited ti Linteg+ ken ti sagrado a panagserbi+ ken dagiti kari;+  a kadakuada ti pagpaayan dagidi amma+ ken kadakuada ti nagtaudan ti Kristo sigun iti lasag:+ ti Dios,+ a ringbawanna ti isuamin, bendito koma iti agnanayon. Amen.  Nupay kasta, saan a kasla napaay ti sao ti Dios.+ Ta saan nga amin nga agtaud iti Israel pudpudnoda nga “Israel.”+  Saan met a gapu ta bin-i ida ni Abraham annak ida amin,+ no di ket: “Ti maawaganto a ‘bin-im’ ket babaento ken Isaac.”+  Kayatna a sawen, ti annak iti lasag+ saanda a pudpudno nga annak ti Dios,+ no di ket ti annak babaen iti kari+ ti maibilang kas isu ti bin-i.  Ta ti sao ti kari isu idi ti sumaganad: “Iti kastoy a tiempo umayakto ket ni Sara maaddaanto iti anak a lalaki.”+ 10  Kaskasdi saan laeng a dayta a kaso, no di ket kasta met idi nangyinaw ni Rebecca iti singin+ manipud iti maysa a lalaki, ni Isaac nga amatayo: 11  ta idi saanda pay a nayanak wenno nagaramid iti aniaman a banag a naimbag wenno nakadakdakes,+ tapno ti panggep ti Dios maipapan iti pannakapili agtultuloy koma nga agpannuray, saan nga iti ar-aramid, no di ket iti Daydiay mangayab,+ 12  naikuna kenkuana: “Ti laklakay isunto ti adipen ti ub-ubing.”+ 13  Kas adda a naisurat: “Inayatko ni Jacob, ngem ni Esau ginurak.”+ 14  Anianto ti kunaentayo, ngarud? Adda aya di kinahustisia iti Dios?+ Saan koma a pulos agbalin a kasta! 15  Ta kunana ken Moises: “Kaasiakto ti siasinoman a kaasiak, ket ipakitakto ti panangngaasi iti siasinoman a pangipakitaak iti panangngaasi.”+ 16  No kasta, ngarud, agpannuray dayta, saan nga iti daydiay agtartarigagay wenno uray iti daydiay agtartaray, no di ket iti Dios,+ nga addaan asi.+ 17  Ta ti Kasuratan kunana ken Faraon: “Gapu itoy met laeng pinalubosanka nga agtalinaed, tapno mainaig kenka maipakitak ti pannakabalinko, ken tapno maideklara ti naganko iti intero a daga.”+ 18  No kasta, ngarud, ti siasinoman a tarigagayanna kaasianna,+ ngem ti siasinoman a tarigagayanna bay-anna nga agbalin a nasubeg.+ 19  Kunaemto ngarud kaniak: “Apay nga agsapul pay laeng iti biddut? Ta siasino ti nakasupring iti nalawag a pagayatanna?”+ 20  O tao,+ siasinoka, ngarud, a pudpudno tapno sungbatam ti Dios?+ Ti banag a nabukel kunaennanto aya iti daydiay nangbukel iti dayta, “Apay nga inaramidnak a kastoy?”+ 21  Ania? Ti kadi agdamdamili+ awanan kinaturay iti pitak tapno manipud iti isu met laeng a masa mangaramid iti maysa a basehas a maipaay iti nadayaw a pakausaran, ti sabali maipaay iti di nadayaw a pakausaran?+ 22  Ita, no ti Dios, nupay pagayatanna nga iparangarang ti pungtotna ken ipakaammo ti pannakabalinna, buyogen iti kasta unay a mabayag a panagitured nangpanuynoy kadagiti basehas ti pungtot a naaramid a maikari iti pannakadadael,+ 23  tapno maipakaammona ti kinabaknang+ ti dayagna kadagiti basehas+ ti asi, nga insaganana a nasaksakbay maipaay iti kinadayag,+ 24  awan sabali, datayo, nga inayabanna saan laeng a manipud kadagiti Judio no di ket manipud met kadagiti nasion,+ ania koma dayta? 25  Dayta ket kas met iti kunana iti Oseas: “Dagidiay saanko nga ili+ naganekto iti ‘ilik,’ ket daydiay di naay-ayat ‘ay-ayaten’;+ 26  ket iti lugar a nakaikunaan kadakuada, ‘Saankayo nga ilik,’ sadiay maawagandanto iti ‘annak ti sibibiag a Dios.’”+ 27  Mainayon pay, ipukkaw ni Isaias maipapan iti Israel: “Nupay ti bilang ti annak ti Israel ket kas koma iti darat ti baybay,+ ti natda isunto ti maisalakan.+ 28  Ta makikuentanto ni Jehova ditoy daga, nga ileppasna ken paababaenna dayta.”+ 29  Kasta met, kas nasaksakbay a kinuna ni Isaias: “Malaksid no ni Jehova ti buybuyot+ nangibati kadatayo iti maysa a bin-i, nagbalintayo koma a kas iti Sodoma, ket naaramidtayo koma a kas iti Gomorra.”+ 30  Anianto ti kunaentayo, ngarud? A dagiti tattao iti nasnasion, nupay saanda a sursuroten ti kinalinteg, naragpatda ti kinalinteg,+ ti kinalinteg nga ibunga ti pammati;+ 31  ngem ti Israel, nupay sursurotenna ti linteg ti kinalinteg, saanna a naragpat ti linteg.+ 32  Iti ania a rason? Agsipud ta sinurotna dayta, saan a babaen iti pammati, no di ket kas babaen iti ar-aramid.+ Naitibkolda iti “bato a pakaitibkolan”;+ 33  kas adda a naisurat: “Adtoy! Mangisaadak idiay Sion iti bato+ a pakaitibkolan ken dakkel a bato a pakabasolan,+ ngem ti mangisaad ti pammatina iti dayta saanto a dumteng iti pannakaupay.”+

Footnotes