Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Roma 8:1-39

8  Gapuna dagidiay naikaykaysa ken Kristo Jesus awan pannakakondenarda.+  Ta ti linteg+ dayta nga espiritu+ a mangted iti biag+ iti pannakikaykaysa ken Kristo Jesus winayawayaannakayo+ manipud iti linteg ti basol ken ti ipapatay.+  Ta, gapu iti di pannakabael iti biang ti Linteg,+ bayat a nakapuy+ idi dayta babaen ti lasag, ti Dios, babaen ti panangibaonna iti bukodna nga Anak+ iti kaas-asping ti managbasol a lasag+ ken maipapan iti basol,+ kinondenarna ti basol iti lasag,  tapno ti nalinteg a kalikaguman ti Linteg matungpal+ koma kadatayo a magna, saan a maitunos iti lasag, no di ket maitunos iti espiritu.+  Ta dagidiay makitunos iti lasag iturongda ti pampanunotda iti bambanag ti lasag,+ ngem dagidiay makitunos iti espiritu iti bambanag ti espiritu.+  Ta ti panangpampanunot iti lasag kaipapananna ti ipapatay,+ ngem ti panangpampanunot iti espiritu+ kaipapananna ti biag ken talna;  agsipud ta ti panangpampanunot iti lasag kaipapananna ti pannakibusor+ iti Dios, ta saan a naipasakup+ iti linteg ti Dios, ket, iti kinapudnona, saan a mabalin nga ipasakup.  Gapuna dagidiay makitunos iti lasag+ saanda a mabalin nga ay-aywen ti Dios.  Nupay kasta, makitunoskayo, saan nga iti lasag, no di ket iti espiritu,+ no ti espiritu ti Dios pudno nga agnanaed kadakayo.+ Ngem no ti asinoman awanan iti espiritu ni Kristo,+ daytoy a tao saanna a kukua. 10  Ngem no ni Kristo naikaykaysa kadakayo,+ pudno a ti bagi natay maigapu iti basol, ngem ti espiritu ket biag+ maigapu iti kinalinteg. 11  Ita, no ti espiritu daydiay nangibangon ken Jesus manipud kadagiti natay agnaed kadakayo, daydiay nangibangon ken Kristo Jesus manipud kadagiti natay+ pagbalinennanto met a sibibiag dagiti mortal a bagiyo+ babaen ti espirituna nga agtataeng kadakayo. 12  No kasta, ngarud, kakabsat, adda rebbengentayo, saan nga iti lasag tapno agbiag a maitunos iti lasag;+ 13  ta no agbiagkayo a maitunos iti lasag sigurado a mataykayo;+ ngem no papatayenyo ti ar-aramid ti bagi+ babaen iti espiritu, agbiagkayto. 14  Ta amin nga iturong ti espiritu ti Dios, dagitoy ket annak ti Dios.+ 15  Ta saanyo nga inawat ti espiritu ti pannakaadipen a mamataud manen iti buteng,+ no di ket inawatyo ti espiritu+ ti pannakaampon+ kas annak, a babaen iti dayta nga espiritu ipukkawtayo: “Abba,+ Ama!” 16  Ti mismo nga espiritu+ mangsaksi+ a buyogen ti espiritutayo+ a datayo ket annak ti Dios.+ 17  Ngarud, no datayo ket annak, agtawidtayo met: pudno a dagiti agtawid ti Dios, ngem makipagtawid+ ken Kristo, no la ket agsagabatayo+ a sangsangkamaysa tapno maipadayagtayo met a sangsangkamaysa.+ 18  Iti kasta ibilangko a dagiti panagsagaba+ iti agdama a panawen awan aniaman a pategda no maidilig iti dayag+ a maipanayagto kadatayo. 19  Ta ti sigagagar a panagsegga+ ti sangaparsuaan+ ket agur-uray iti pannakaipanayag ti annak ti Dios.+ 20  Ta ti sangaparsuaan naipasakup iti kinabarengbareng,+ saan a babaen ti bukodna a nakem no di ket babaen kenkuana a nangipasakup iti dayta, a maibatay iti namnama+ 21  a ti mismo a sangaparsuaan+ met mawayawayaanto+ iti pannakaadipen iti panagrupsa ken maaddaan iti nadayag a wayawaya ti annak ti Dios. 22  Ta ammotayo a ti intero a sangaparsuaan agtultuloy nga agas-asug a sangsangkamaysa ken agpapaut-ot a sangsangkamaysa agingga ita. 23  Saan laeng a dayta, no di ket datayo met nga addaan iti umuna a bungbunga,+ awan sabali, ti espiritu, wen, datayo agasugtayo+ iti unegtayo, bayat a sipapasnek nga ur-urayentayo ti pannakaampon kas annak,+ ti pannakaluk-at manipud iti bagbagitayo babaen ti subbot. 24  Ta naisalakantayo iti daytoy a namnama;+ ngem ti namnama a makita ket saan a namnama, ta no ti maysa a tao makitana ti maysa a banag, namnamaenna aya dayta? 25  Ngem no namnamaentayo+ ti saantayo a makita,+ itultuloytayo nga urayen dayta a buyogen ti panagibtur.+ 26  Iti umasping a pamay-an makikadua met ti espiritu+ buyogen ti tulong a maipaay iti kinakapuytayo;+ ta ti parikut a no ania ti ikararagtayo a kasapulantayo saantayo nga ammo,+ ngem ti espiritu+ a mismo agdawat a maipaay kadatayo buyogen dagiti asug a di mayebkas. 27  Ngem daydiay mangsukimat iti puspuso+ ammona no ania ti panggep ti espiritu,+ agsipud ta agdawdawat a maitunos iti Dios maipaay kadagiti sasanto.+ 28  Ita ammotayo a ti Dios pagtitinnulongenna a sangsangkamaysa ti amin nga ar-aramidna+ maipaay iti pagimbagan dagidiay agayat iti Dios, dagidiay naayaban maitunos iti panggepna;+ 29  agsipud ta dagidiay nangipaayanna iti damo a panangbigbigna+ tinudinganna met a nasakbay+ a maituladda+ iti ladawan+ ti Anakna, tapno isu koma ti inauna+ iti adu nga agkakabsat.+ 30  Mainayon pay, dagidiay tinudinganna a nasakbay+ isuda dagidiay inayabanna met;+ ket dagidiay inayabanna isuda dagidiay indeklarana met a nalinteg.+ Kamaudiananna dagidiay indeklarana a nalinteg isuda dagidiay pinadayagna met.+ 31  Ania, ngarud, ti kunaentayo kadagitoy a banag? No ti Dios adda kadatayo, siasinonto ti bumusor kadatayo?+ 32  Daydiay saan a nangipaidam uray pay ti bukodna nga Anak+ no di ket inyawatna a maipaay kadatayo amin,+ apay a saannanto a siaasi nga ipaay met kadatayo mairaman kenkuana ti amin a dadduma a bambanag?+ 33  Siasino ti mangidatagto iti pammabasol maibusor kadagiti pinili ti Dios?+ Ti Dios isu Daydiay mangideklara kadakuada a nalinteg.+ 34  Siasinonto daydiay mangkondenar? Ni Kristo Jesus isu daydiay natay, wen, isu pay ketdi daydiay naibangon manipud kadagiti natay, nga adda iti makannawan+ ti Dios, nga agdawat met maipaay kadatayo.+ 35  Siasinonto ti mangisina kadatayo manipud iti ayat ti Kristo?+ Ti kadi rigat wenno pannakatuok wenno pannakaidadanes wenno bisin wenno kinalamolamo wenno peggad wenno kampilan?+ 36  Kas adda a naisurat: “Maigapu kenka mapappapataykami iti intero nga agmalem, naibilangkami a kas karnero a maparti.”+ 37  Iti kasupadina, kadagitoy amin a banag rumrummuartayo a naan-anay a naballigi+ babaen kenkuana a nangayat kadatayo. 38  Ta kumbinsidoak nga uray ti ipapatay wenno ti biag+ wenno dagiti anghel+ wenno dagiti gobierno+ wenno ti bambanag nga addan wenno ti bambanag nga umayto wenno dagiti pannakabalin+ 39  wenno ti kangato wenno ti kauneg wenno ti aniaman a sabali pay a parsua saandatayto a kabaelan nga isina iti ayat ti Dios nga adda ken Kristo Jesus nga Apotayo.+

Footnotes