Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

Online a Biblia | BARO A LUBONG A PATARUS TI NASANTUAN A KASURATAN

Roma 5:1-21

5  Gapuna, ita ta naideklaratayon a nalinteg kas imbunga ti pammati,+ tagiragsakentayo ti pannakikappia+ iti Dios baeten ken Apotayo a Jesu-Kristo,  a baeten kenkuana met nagun-odantayo+ babaen ti pammati ti iyaadanitayo iti daytoy di kaikarian a kinamanangngaasi a pagtakderantayo ita; ket agrag-otayo, maibatay iti namnama+ iti dayag ti Dios.  Ket saan laeng a dayta, no di ket agrag-otayo bayat nga addatayo kadagiti rigat,+ yantangay ammotayo a ti rigat mangpataud iti panagibtur;+  ti panagibtur, kalpasanna, maysa a naanamongan a kasasaad;+ ti naanamongan a kasasaad, kalpasanna, namnama,+  ket ti namnama saan a mangiturong iti pannakaupay;+ agsipud ta ti ayat ti Dios+ naiparukpok iti puspusotayo+ babaen ti nasantuan nga espiritu,+ a naited kadatayo.  Ta, pudno unay, ni Kristo, bayat a nakapuytayo pay laeng idi,+ natay maipaay kadagiti di nadiosan a tattao iti naituding a tiempo.+  Ta nganngani awan asinoman a matay a maipaay iti maysa a nalinteg a tao;+ kinapudnona, maipaay iti naimbag+ a tao, nalabit, adda pay ketdi makaitured a matay.+  Ngem ti Dios irekomendana ti bukodna nga ayat+ kadatayo ta, bayat a managbasoltayo pay laeng idi, ni Kristo natay a maipaay kadatayo.+  Ad-adda pay, ngarud, yantangay naideklaratayo a nalinteg itan babaen iti darana,+ a maisalakantayto babaen kenkuana manipud iti pungtot.+ 10  Ta no, idi datayo ket kabkabusor,+ naikappiatayo iti Dios babaen ti ipapatay ti Anakna,+ ad-adda pay, itan ta naikappiatayon, maisalakantayto babaen ti biagna.+ 11  Ket saan laeng a dayta, no di ket agragrag-otayo met iti Dios baeten ken Apotayo a Jesu-Kristo, a babaen kenkuana naawattayo itan ti pannakaikappia.+ 12  Dayta ti makagapu a, no kasano a babaen iti maysa a tao+ simrek ti basol iti lubong ken ti ipapatay+ babaen iti basol, ket iti kasta ti ipapatay nagsaknap iti amin a tattao agsipud ta nagbasolda amin+—. 13  Ta sakbay ti Linteg adda idin ti basol ditoy lubong, ngem ti basol di maisingir iti asinoman no awan ti linteg.+ 14  Nupay kasta, ti ipapatay nagturay kas ari manipud ken Adan agingga ken Moises,+ uray pay kadagidiay saan a nagbasol iti kaas-asping ti salungasing ni Adan,+ nga umar-arngi kenkuana nga umayto.+ 15  Ngem saan a kasta iti sagut a kas iti labsing. Ta no babaen ti labsing ti maysa a tao adu ti natay, ti di kaikarian a kinamanangngaasi ti Dios ken ti awan bayadna a sagutna buyogen ti di kaikarian a kinamanangngaasi babaen ti maysa a tao+ a ni Jesu-Kristo wimmadwad iti ad-adda pay maipaay iti adu.+ 16  Kasta met, saan a kasta iti awan bayadna a sagut+ a kas iti wagas a pannakaibanag ti bambanag babaen ti maysa a tao a nagbasol.+ Ta ti pannakaukom+ imbunga ti maysa a panaglabsing maipaay iti pannakakondenar,+ ngem ti sagut imbunga ti adu a labsing maipaay iti pannakaideklara iti kinalinteg.+ 17  Ta no babaen ti labsing ti maysa a tao+ nagturay ti ipapatay kas ari+ babaen iti dayta a tao, ad-addanto pay a dagidiay umawat iti kinaruay ti di kaikarian a kinamanangngaasi+ ken iti awan bayadna a sagut+ ti kinalinteg agturayda kas ar-ari+ iti biag babaen ti maysa a persona, ni Jesu-Kristo.+ 18  No kasta, ngarud, no kasano a babaen ti maysa a labsing pannakakondenar+ ti imbungana iti amin a kita ti tattao, kasta met a babaen ti maysa nga aramid a panangpalinteg+ imbungana iti amin a kita ti tattao+ ti pannakaideklarada a nalinteg maipaay iti biag.+ 19  Ta no kasano a babaen ti kinasukir ti maysa a tao adu+ ti naibilang a managbasol, kasta met a babaen ti panagtulnog+ ti maysa a persona adu+ ti maibilangto a nalinteg.+ 20  Ita naiserrek pay ti Linteg+ tapno umadu koma ti panaglabsing.+ Ngem no sadino nga immadu ti basol,+ immadu nga ad-adda pay ti di kaikarian a kinamanangngaasi.+ 21  Iti ania a panggep? Tapno, no kasano a ti basol nagturay kas ari agraman iti ipapatay,+ kasta met a ti di kaikarian a kinamanangngaasi+ agturay koma kas ari babaen ti kinalinteg a maipaay iti agnanayon a biag+ baeten ken Jesu-Kristo nga Apotayo.

Footnotes