Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Roma 3:1-31

3  Ania, ngarud, ti pakaigundawayan ti Judio,+ wenno ania ti pagimbagan ti pannakakugit?+  Maysa a dakkel a banag iti tunggal wagas. Umuna iti amin, agsipud ta naitalek kadakuada dagiti sagrado a pammakdaar ti Dios.+  Ania, ngarud, ti kaso? No ti sumagmamano saanda a nangyebkas iti pammati,+ ti kaawan pammatida nalabit pagbalinenna aya nga awanan epekto ti kinamatalek ti Dios?+  Saan koma a pulos mapasamak dayta! No di ket ti Dios masarakan koma a napudno,+ nupay tunggal tao masarakan a naulbod,+ kas adda a naisurat: “Tapno mapaneknekanka a nalinteg iti sasaom ket mangabakka koma no mauk-ukomka.”+  Nupay kasta, no ti kinakillotayo ilatakna ti kinalinteg ti Dios,+ anianto ti kunaentayo? Nakillo aya ti Dios+ no iyesngawna ti pungtotna? (Agsasaoak a kas iti panagsao ti tao.+)  Saan koma a pulos mapasamak dayta! No saan a kasta, kasanonto ti panangukom ti Dios iti lubong?+  Ngem no gapu iti panagulbodko napagbalin ti kinapudno ti Dios+ a natantan-ok maipaay iti dayagna, apay met a mauk-ukomak pay laeng a kas managbasol?+  Ket apay a saan a kunaen, no kasano a siuulbod a maipabasol+ kadatayo ken no kasano a sumagmamano a tattao ibagada a kunatayo: “Aramidentayo ti dakes a bambanag tapno umay ti naimbag a bambanag”?+ Ti panangukom+ maibusor kadagidiay a tattao ket maitunos iti kinahustisia.+  Ania ngarud? Nasaysayaat aya ti kasasaadtayo?+ Saan a pulos! Ta iti un-unana inaramidtayo ti pammabasol a dagiti Judio kasta met dagiti Griego addada amin iti sidong ti basol;+ 10  kas adda a naisurat: “Awan nalinteg a tao, awan uray maysa;+ 11  awan asinoman nga addaan aniaman a pannakatarus, awan asinoman a mangsapul iti Dios.+ 12  Amin a tattao simiasida, sangsangkamaysada amin a nagbalin nga awan pategna; awan asinoman nga agar-aramid iti kinamanangngaasi, awan uray koma maysa.”+ 13  “Ti karabukobda ket naluktan a tanem, nagusarda iti panangallilaw babaen kadagiti dilada.”+ “Sabidong dagiti aspid ti adda iti likudan dagiti bibigda.”+ 14  “Ket ti ngiwatda napno iti panagilunod ken napait nga ebkas.”+ 15  “Dagiti sakada naparagsit nga agibukbok iti dara.”+ 16  “Pannakadadael ken kinaladingit ti adda kadagiti dalanda,+ 17  ket saanda a naammuan ti dalan ti talna.”+ 18  “Awan ti panagbuteng iti Dios iti sanguanan dagiti matada.”+ 19  Ita ammotayo nga amin a bambanag a kunaen ti Linteg+ iturongna kadagidiay adda iti sidong ti Linteg, tapno iti kasta tunggal ngiwat mapasardeng+ koma ket ti intero a lubong manungsungbat+ koma iti Dios maipaay iti pannakadusa.+ 20  Gapuna babaen iti ar-aramid ti linteg awanto ti lasag a maideklara a nalinteg+ iti sanguananna, ta ti umiso a pannakaammo iti basol+ ket babaen iti linteg.+ 21  Ngem ita naisina iti linteg naiparangarang ti kinalinteg ti Dios,+ ta saksian+ dayta ti Linteg+ ken dagiti Mammadto;+ 22  wen, ti kinalinteg ti Dios babaen ti pammati ken Jesu-Kristo,+ maipaay kadagidiay amin nga addaan iti pammati.+ Ta awan ti pagdudumaan.+ 23  Ta amin nagbasol+ ken agkurang iti dayag ti Dios,+ 24  ket kas awan bayadna a sagut+ a maidekdeklarada a nalinteg babaen ti di kaikarian a kinamanangngaasina+ baeten iti pannakaluk-at babaen ti subbot+ nga imbayad ni Kristo Jesus. 25  Isu impasdek ti Dios kas maysa a daton a maipaay iti pannakikappia+ babaen ti pammati iti darana.+ Daytoy ket tapno maipakita ti bukodna a kinalinteg, agsipud ta pinakpakawanna dagiti basol+ a naaramid iti napalabas bayat a ti Dios watwatwatenna idi ti kinamanagpalabas;+ 26  tapno maipakita ti bukodna a kinalinteg+ iti daytoy agdama a panawen, iti kasta isu nalinteg koma uray iti panangideklarana a nalinteg+ ti tao nga addaan iti pammati ken Jesus. 27  Sadino, ngarud, ti ayan ti panagpasindayag?+ Naikkat dayta. Babaen ti ania a linteg?+ Iti ar-aramid?+ Ay saan, no di ket babaen ti linteg ti pammati.+ 28  Ta ipapantayo a ti maysa a tao maideklara a nalinteg babaen ti pammati a naisina iti ar-aramid ti linteg.+ 29  Wenno isu aya ti Dios dagiti Judio laeng?+ Saan aya a kadagiti met tattao iti nasnasion?+ Wen, kadagiti tattao iti nasnasion met,+ 30  no pudno a ti Dios maymaysa,+ a mangideklaranto kadagiti nakugit+ a tattao a nalintegda kas bunga ti pammati ken kadagiti di nakugit+ a tattao a nalintegda babaen ti pammatida. 31  Datayo, ngarud, waswasentayo aya ti linteg babaen ti pammatitayo?+ Saan koma a pulos mapasamak dayta! Iti kasupadina, mangpatalgedtayo iti linteg.+

Footnotes