Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Roma 16:1-27

16  Irekomendak kadakayo ni Febe a kabsattayo a babai, a maysa a ministro+ iti kongregasion nga adda sadiay Cencrea,+  tapno isu abrasaenyo+ iti Apo iti wagas a maikari iti sasanto, ken tapno tulonganyo iti aniaman a banag a mabalin a pakasapulanna kadakayo,+ ta isu nagbalin met a manangikanawa kadagiti adu, wen, kaniak a mismo.  Idanonyo dagiti kablaawko kada Prisca ken Aquila+ a katrabahuak+ ken Kristo Jesus,  isuda a nangirisgo kadagiti bukodda a tengnged+ maipaay iti kararuak, a kadakuada saan laeng a siak no di ket kasta met dagiti amin a kongregasion dagiti nasion ti mangipaay iti panagyaman;+  ket kablaawanyo ti kongregasion nga adda iti balayda.+ Kablaawanyo ni Epeneto a dungdungnguek, nga umuna a bungbunga+ iti Asia maipaay ken Kristo.  Kablaawanyo ni Maria, nga adu a panagbannog ti nagapuananna maipaay kadakayo.  Kablaawanyo da Andronico ken Junias a kakabagiak+ ken padak a kautibo,+ isuda a lallaki nga agdindinamag kadagiti apostol ken naikaykaysa+ ken Kristo a nabaybayagen ngem siak.  Idanonyo dagiti kablaawko+ ken Ampliato a dungdungnguek iti Apo. 9  Kablaawanyo ni Urbano a katrabahuantayo ken Kristo, ken ni Estaquis a dungdungnguek. 10  Kablaawanyo+ ni Apeles, ti naanamongan ken Kristo. Kablaawanyo dagidiay adda iti sangakabbalayan ni Aristobulo. 11  Kablaawanyo ni Herodion a kabagiak.+ Kablaawanyo dagidiay adda iti sangakabbalayan ni Narciso isuda nga adda iti Apo.+ 12  Kablaawanyo da Trifena ken Trifosa, babbai nga agtartrabaho a sipipinget iti Apo. Kablaawanyo ni Persida a dungdungnguentayo, ta adu a panagbannog iti Apo ti nagapuananna. 13  Kablaawanyo ni Rufo a napili iti Apo, ken ti inana ken inak. 14  Kablaawanyo da Asincrito, Flegonte, Hermes, Patrobas, Hermas, ken dagiti kakabsat a naikuyog kadakuada. 15  Kablaawanyo da Filologo ken Julia, ni Nereo ken ti kabsatna a babai, ken ni Olimpas, ken amin dagiti sasanto a naikuyog kadakuada.+ 16  Agkikinnablaawkayo iti nasantuan nga agep.+ Amin dagiti kongregasion ti Kristo kablaawandakayo. 17  Ita bagbagaankayo, kakabsat, a siputanyo dagidiay mangparnuay kadagiti pannakabingbingay+ ken kasasaad a makaitibkol maikaniwas iti sursuro+ a naadalyo, ket liklikanyo ida.+ 18  Ta ti kakasta a kita ti tattao ket ad-adipen, saan a ni Apotayo a Kristo, no di ket dagiti bukodda a tian;+ ket babaen iti nalamuyot a panagsao+ ken makaay-ayo a panagsasao+ allilawenda ti puspuso dagiti awanan allilaw a tattao. 19  Ta ti kinatulnogyo ket napaliiw ti isuamin.+ Agrag-oak ngarud gapu kadakayo. Ngem kayatko nga agmasiribkayo+ no maipapan iti naimbag, ngem awanan pannakaammo+ no maipapan iti dakes.+ 20  Iti biangna, ti Dios a mangipaay iti talna+ rumekennanto ni Satanas+ iti baba dagiti sakayo iti mabiiten. Maadda koma kadakayo ti di kaikarian a kinamanangngaasi ni Apotayo a Jesus.+ 21  Ni Timoteo a katrabahuak kablaawannakayo, ken kasta met da Lucio ken Jason ken Sosipatro a kakabagiak.+ 22  Siak, ni Tercio, a nangisurat iti daytoy a surat, kablaawankayo iti Apo. 23  Ni Gayo,+ ti mangsangsangaili kaniak ken ti intero a kongregasion, kablaawannakayo. Ni Erasto a mayordomo ti siudad+ kablaawannakayo, ken kasta met ni Cuarto a kabsatna. 24  —— 25  Ita kenkuana+ a makabalin a mangpatibker kadakayo a maitunos iti naimbag a damag nga ideklarak ken ti pannakaikaskasaba ni Jesu-Kristo, sigun iti pannakaipalgak ti sagrado a palimed+ a naidulin iti kinaulimek kadagiti nabayag a tiempo 26  ngem ita naiparangarangen+ ken naipakaammon babaen kadagiti naimpadtuan a kasuratan iti amin a nasnasion maitunos iti bilin ti agnanayon a Dios tapno itandudo ti kinatulnog babaen ti pammati;+ 27  iti Dios, a maymaysa a masirib,+ maadda koma ti dayag+ baeten ken Jesu-Kristo+ iti agnanayon. Amen.

Footnotes