Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Roma 15:1-33

15  Datayo a napigsa, nupay kasta, rebbeng nga anusantayo dagiti pagkapuyan dagidiay di napigsa,+ ket ditay ay-aywen ti bagbagitayo.+  Tunggal maysa kadatayo ay-aywenna koma ti padana a tao iti naimbag a maipaay a pakapabilganna.+  Ta uray ti Kristo saanna nga inay-ayo ti bagina;+ no di ket kas adda a naisurat: “Immapay kaniak dagiti panangumsi dagidiay nangum-umsi kenka.”+  Ta ti amin a bambanag a naisurat a nasaksakbay naisuratda+ a pakasursuruantayo,+ tapno babaen ti panagibturtayo+ ken babaen ti liwliwa+ manipud iti Kasuratan maaddaantay koma iti namnama.+  Ita ti Dios a mangipaay iti panagibtur ken liwliwa ipalubosna koma kadakayo a maaddaankayo ti isu met laeng a kababalin ti isip+ a naadda ken Kristo Jesus,  tapno buyogen ti panagkaykaysa+ maidaydayawyo ti Dios ken Ama ni Apotayo a Jesu-Kristo babaen ti maymaysa a ngiwat.  Gapuna abrasaenyo ti maysa ken maysa,+ a kas iti Kristo inabrasanatayo met,+ a maipaay iti dayag ti Dios.  Ta kunaek a ni Kristo pudno a nagbalin a ministro+ dagidiay nakugit+ maigapu iti kinapudno ti Dios,+ tapno patalgedanna dagiti kari+ nga inaramidna kadagidi ammada,  ken tapno dagiti nasion+ maidaydayawda ti Dios gapu iti asina.+ Kas adda a naisurat: “Dayta ti makagapu a bigbigenkanto a sipapanayag iti tengnga dagiti nasion ket iti naganmo mangipaayakto iti samiweng.”+ 10  Ken manen kunana: “Agragsakkayo, dakayo a nasnasion, agraman umilina.”+ 11  Ken manen: “Idaydayawyo ni Jehova, dakayo amin a nasion, ket isu idaydayaw koma dagiti amin nga ili.”+ 12  Ken manen kuna ni Isaias: “Addanto ti ramut ni Jesse,+ ket addanto ti maysa a tumakder a mangituray kadagiti nasion;+ kenkuana dagiti nasion isadagdanto ti namnamada.”+ 13  Ti Dios a mangipaay iti namnama punnuennakay koma iti isuamin a rag-o ken talna babaen iti panamatiyo, tapno aduankay koma iti namnama buyogen ti pannakabalin ti nasantuan nga espiritu.+ 14  Ita siak met maguyugoyak maipapan kadakayo, kakabsatko, a dakayo mapnokayo met iti kinaimbag, no kasano a napnokayo iti isuamin a pannakaammo,+ ken kabaelanyo met a bagbagaan ti maysa ken maysa.+ 15  Nupay kasta, agsursuratak kadakayo nga ad-adda a sipaprangka maipapan iti sumagmamano a punto, a kasla palagipankayo+ manen, gapu iti di kaikarian a kinamanangngaasi a naited kaniak manipud iti Dios+ 16  tapno agbalinak a publiko nga adipen ni Kristo Jesus kadagiti nasion,+ a makipasetak iti nasantuan a trabaho iti naimbag a damag+ ti Dios, tapno ti daton,+ awan sabali, dagitoy a nasion, agbalinda koma a makaay-ayo,+ a nasantipikar babaen ti nasantuan nga espiritu.+ 17  Gapuna addaanak iti pakaigapuan ti panagrag-o ken Kristo Jesus+ no iti bambanag maipapan iti Dios.+ 18  Ta diakto agtured a mangibaga iti maysa a banag no dayta ket saan a kadagidiay bambanag nga inaramid ni Kristo babaen kaniak+ tapno agtulnog dagiti nasion,+ babaen iti sao+ ken aramidko, 19  buyogen ti pannakabalin dagiti pagilasinan ken dagiti tanda,+ buyogen ti pannakabalin ti nasantuan nga espiritu; tapno iti kasta manipud Jerusalem ken iti maysa a sirkito+ agingga idiay Ilirico naan-anay a naikasabak ti naimbag a damag maipapan iti Kristo.+ 20  Iti kastoy a pamay-an, kinapudnona, pinagbalinko a kalatko ti saan a mangideklara iti naimbag a damag sadiay a nainagananen ni Kristo, tapno diak koma agibangbangon iti rabaw ti pamuon ti sabali a tao;+ 21  no di ket, kas adda a naisurat: “Makitanto dagidiay saan a napakaammuan maipapan kenkuana, ket maawatanto dagidiay saan a nakangngeg.”+ 22  Gapuna met adu a daras a nalapdanak a makadanon kadakayo.+ 23  Ngem ita ta awananakon iti di naasak a teritoria kadagitoy a rehion, ken yantangay iti sumagmamano a tawen il-iliwek ti makadanon kadakayo+ 24  kaanoman a mapanakon idiay Espania,+ namnamaek, nangruna iti amin, inton agbaniagaak sadiay, a makitakayo ken kuyogendak+ iti pangasidegen sadiay kalpasan nga immuna a napnekak bassiten iti pannakikaduayo. 25  Ngem ita agbaniagaakon idiay Jerusalem tapno agserbiak kadagiti sasanto.+ 26  Ta dagidiay adda idiay Macedonia ken Acaya+ naragsakanda a mangiranud iti bambanagda babaen ti kontribusion+ iti napapanglaw kadagiti sasanto idiay Jerusalem. 27  Pudno, naragsakanda a mangaramid iti kasta, ket kaskasdi a nakautangda kadakuada; ta no dagiti nasion nakiranudda iti naespirituan a bambanagda,+ utangda met a pagserbian a publiko dagitoy babaen iti bambanag nga agpaay iti nainlasagan a bagi.+ 28  Gapuna kalpasan a maileppasko daytoy ket mayawatko a sitatalged kadakuada daytoy a bunga,+ dumagasakto kadakayo iti panagturongko idiay Espania.+ 29  Mainayon pay, ammok nga inton umayak kadakayo umayakto a buyogen ti naan-anay a rukod ti pamendision manipud ken Kristo.+ 30  Ita bagbagaankayo, kakabsat, baeten ken Apotayo a Jesu-Kristo ken baeten ti ayat ti espiritu,+ nga iyagawayo ti bagbagiyo a bumuyog kaniak kadagiti kararag iti Dios maipaay kaniak,+ 31  tapno maispalak+ koma kadagiti di manamati idiay Judea ken tapno ti ministeriok nga agpaay iti Jerusalem+ agbalin koma a makaay-ayo kadagiti sasanto,+ 32  tapno iti kasta inton makadanonak a sirarag-o kadakayo babaen iti pagayatan ti Dios mabang-aranakto+ a mairaman kadakayo. 33  Ti Dios a mangipaay iti talna maadda koma kadakayo amin.+ Amen.

Footnotes