Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Roma 12:1-21

12  Iti kasta dawatek kadakayo babaen kadagiti asi ti Dios, kakabsat, nga iparangyo ti bagbagiyo+ a maysa a sakripisio+ a sibibiag,+ nasantuan,+ makaay-ayo iti Dios,+ maysa a sagrado a panagserbi+ buyogen ti pannakabalinyo nga agrason.+  Ket dikay agpaisukogen+ iti daytoy a sistema ti bambanag, no di ket agbalbaliwkayo babaen ti panangpabaroyo iti panunotyo,+ tapno mapaneknekanyo iti bagbagiyo+ ti naimbag ken makaay-ayo ken naan-anay a pagayatan+ ti Dios.  Ta babaen ti di kaikarian a kinamanangngaasi a naited kaniak ibagak iti tunggal maysa kadakayo dita a saanna a panunoten nga ad-adda ti bagina ngem iti rebbengna a panangpanunot;+ no di ket agpanunot tapno maaddaan iti nasimbeng a panagpampanunot,+ tunggal maysa kas imbunong ti Dios kenkuana a rukod+ ti pammati.+  Ta no kasano nga iti maysa a bagi addaantayo ti adu a kameng,+ ngem dagiti kameng saanda nga agpapada amin iti pakausaran,  kasta met a datayo, nupay adutayo, ket maysa a bagi+ a naikaykaysa ken Kristo, ngem agkikinnameng iti maysa ken maysa.+  Ngarud, yantangay addaantayo kadagiti sagut nga agduduma+ sigun iti di kaikarian a kinamanangngaasi+ a naited kadatayo, uray no padto, agipadtotayo koma sigun iti pammati a nairukod kadatayo;  wenno maysa a ministerio, addatayo koma iti daytoy a ministerio;+ wenno ti mangisursuro,+ adda koma iti panangisurona;+  wenno ti mammagbaga, adda koma iti panamagbagana;+ ti agibumbunong, aramidenna koma dayta a buyogen ti kinaparabur;+ ti mangidadaulo,+ aramidenna koma dayta iti napudno a kinapasnek; ti mangipakpakita iti asi,+ aramidenna koma dayta a siraragsak.  Ti ayatyo+ awan koma ti panaginsisingpetna.+ Karurodyo ti dakes,+ kumpetkayo iti naimbag.+ 10  Iti nainkabsatan nga ayat+ maaddaankayo iti kinalailo iti maysa ken maysa. Iti panangipakita ti pammadayaw+ iti maysa ken maysa mangidaulokayo. 11  Dikay agpalpallailang iti aramidyo.+ Nasgedkayo koma iti espiritu.+ Agpaadipenkayo ken Jehova.+ 12  Agrag-okayo iti namnama.+ Agibturkayo iti sidong ti rigat.+ Reggetanyo ti agkararag.+ 13  Iranudanyo dagiti sasanto sigun kadagiti kasapulanda.+ Surotenyo ti dalan ti kinamanagpadagus.+ 14  Itultuloyyo a bendisionan dagidiay mangidadanes;+ mangbendisionkayo+ ket dikay agilunod.+ 15  Makipagrag-okayo kadagiti tattao nga agrag-o;+ makipagsangitkayo kadagiti tattao nga agsangit. 16  Panunotenyo ti sabsabali iti isu met laeng a pamay-an kas iti bagbagiyo;+ dikay pampanunoten ti nangato a bambanag,+ no di ket umabuloykayo koma iti nababa a bambanag.+ Dikay agmasirib iti bukodyo a matmata.+ 17  Dikay subadan ti dakes iti dakes+ iti asinoman. Mangipaaykayo iti nasayaat a bambanag iti imatang ti amin a tattao. 18  No mabalin, agingga a makapagpannuray kadakayo, makikappiakayo+ iti amin a tattao. 19  Dikay ibalesan+ ti bagbagiyo, dungdungnguen, no di ket ipaayanyo ti lugar ti pungtot;+ ta adda a naisurat: “Kukuak ti pammales; supapakakto, kuna ni Jehova.”+ 20  Ngem, “no ti kabusormo mabisin, pakanem; no mawaw, ikkam iti mainum;+ ta iti panangaramidmo itoy mangibuntonkanto kadagiti umap-apuy a beggang iti rabaw ti ulona.”+ 21  Dika ipalubos a parmekennaka ti dakes, no di ket itultuloymo a parmeken ti dakes babaen ti naimbag.+

Footnotes